રાજકોટ જિલ્લામાં અત્યાર સુધી સીઝનનો 111% વરસાદ, 13 ડેમ 100% ભરાયા

રક્ષિત પંડ્યા/રાજકોટઃ રાજકોટ સહિત સમગ્ર સૌરાષ્ટ્રમાં ચાલુ વર્ષે મોસમનો સારો વરસાદ નોંધાઇ ચુક્યો છે. રાજકોટ જિલ્લામાં ગત વર્ષની જેમ આ વર્ષે પણ સારા વરસાદથી જગતનો તાત ખુશ-ખુશાલ જોવા મળી રહ્યો છે. સારા વરસાદના પગલે રાજકોટ જિલ્લાના ખેડૂતો પોતાના ખેતરમાં સારા ઉત્પાદનની આશા સેવી રહ્યા છે. આ વર્ષે ચોમાસાની શરૂઆતથી આજ દિવસ સુધી સમગ્ર જિલ્લામાં મોસમનો 111% વરસાદ નોંધાઇ ચુક્યો છે જેમાં વીંછીયા તાલુકાને બાદ કરતાં તમામ તાલુકામા 90%થી વધુ વરસાદ નોંધાઇ ચુક્યો છે. 

રાજકોટ જિલ્લામાં કુલ 25 ડેમ આવેલા છે જે પૈકી 13 ડેમ 100% ભરાયા
રાજકોટ શહેર અને જિલ્લામાં મળી કુલ નાની-મોટી સિંચાઇ યોજનાના 25 ડેમનો સમાવેશ થાય છે. આ પૈકી આજી-1 , ન્યારી -1 , આજી-2 , ન્યારી-2 સહિત 13 ડેમો 100% ભરાઇ ગયા છે. જ્યારે સૌરાષ્ટ્રના સૌથી મોટા ભાદર સહિત 7 ડેમો 90%થી વધુ ભરાયા છે અને હજુ પણ આગામી દિવસોમાં વરસાદની આગાહી પગલે તમામ ડેમ છલોછલ થવાની શકયતા જોવામાં આવી રહી છે. 

- રાજકોટ જિલ્લાના 13 ડેમ 100 %  ભરાયા

- રાજકોટ જિલ્લાના 7 ડેમ 90% થી વધુ ભરાયા

- રાજકોટ જિલ્લાનો 1 ડેમ 80% થી વધુ ભરાયા

- રાજકોટ જિલ્લાના 4 ડેમ 65% થી વધુ છે ભરાયા

રાજકોટ જિલ્લામાં સૌથી વધુ વરસાદ ગોંડલ તાલુકામાં 149% નોંધાયો છે. જ્યારે સૌથી ઓછો વરસાદ વીંછીયા તાલુકામાં 80% નોંધાયો છે. આમ રાજકોટ જિલ્લામાં અત્યાર સુધી 111 % વરસાદ નોંધાઈ ચુક્યો છે. 

રાજકોટમાં તાલુકા પ્રમાણે વરસાદની સ્થિતિ
- ગોંડલ તાલુકામાં 149% વરસાદ

- જામકંડોરણા તાલુકામાં 146% વરસાદ

- લોધિકા તાલુકામાં 130% વરસાદ

- પડધરી તાલુકામાં 121% વરસાદ

- કોટડાસાંગાણી તાલુકામાં 114% વરસાદ

- ધોરાજી તાલુકામાં 111% વરસાદ

- જેતપુર તાલુકામાં 104% વરસાદ

- રાજકોટ શહેરમાં 97% વરસાદ

- જસદણ તાલુકામાં 93% વરસાદ

- ઉપલેટા તાલુકામાં 91% વરસાદ

- વીંછીયા તાલુકામાં 80% વરસાદ