સુરત: 3 વર્ષમાં સુરતનાં ઉત્તર ઝોનમાં જ ડોઢ કરોડનો દારૂ ઝડપાયો, પોલીસે કર્યો નાશ

સુરત : ગુજરાતમાં કથિત રીતે દારૂબંધી છે. જેના કારણે બિનકાયદેસર રીતે ગુજરાતમાં ઘુસાડવામાં આવતો દારૂ કેટલીક વખત ઝડપાઇ જાય છે. પોલીસ આ દારૂ એકત્ર કરે છે અને જ્યારે આ દારૂ પ્રમાણમાં વધારે થઇ જાય ત્યારે તેનો નાશ કરવામાં આવ્યા છે. પોલીસ દ્વારા આ કામગીરી સમયાંતરે કરવામાં આવતી રહે છે. સુરત શહેરમાં છેલ્લા 3 વર્ષમાં પકડાયેલા 1 કરોડથી પણ વધારે કિંમતના દારૂનો નિયમાનુસાર નાશ કરવામાં આવ્યો હતો.

અત્રે ઉલ્લેખનીય છે કે, આ દારૂનો નાશ કરવા માટે દારૂને મોટા મેદાનમાં પાથરવામાં આવે છે અને ત્યાર બાદ તેના પર રોડ રોલર ફેરવી દેવામાં આવતું હોય છે. સુરત પોલીસ દ્વારા પણ આ અનુસાર કાર્યવાહી કરવામાં આવી હતી. 1.6 કરોડ રૂપિયાનો દારૂ પર રોડ રોલર ફેરવી નાખવામાં આવ્યું હતું. 

જો કે સૌથી મહત્વનું છે કે, 2017 ના અંતિમ ત્રણ મહિનાથી માંડીને અત્યાર સુધીમાં 1.6 કરોડ રૂપિયાનો દારૂ તો માત્ર ઝડપાયો છે. તો ઘુસાડવામાં કેટલો આવ્યો હશે તેનો અંદાજ લગાવી શકાય છે. તેના પરથી જ અંદાજ આવી જાય છે કે, કથિત દારૂબંધી હેઠળ કેટલો ખુલ્લેઆમ દારૂ વેચાય પણ છે અને પીવાય પણ છે.