Video : ઝીણામાં ઝીણી કાળજી રાખ્યા છતા અમદાવાદની આ યુવતીને થયો Corona

મિહિર રાવલ/અમદાવાદ :ગુજરાત રાજ્યમાં કોરોના દર્દીઓનો આંકડો 30 પર પહોંચી ગયો છે. તો એક દર્દીનું કોરોનાથી મોત નિપજ્યું છે. સારવાર લઈ રહેલા કોરોના પોઝિટિવ (Corona virus) ના દર્દીઓ કેવુ અનુભવતા હશે, શું તેઓને આંખ સામે મોત દેખાય છે.. આવા અનેક સવાલો તમારા મગજમાં ઘુમરાયા કરતા હશે. પરંતુ તમામ પ્રકારની કાળજી રાખવા છતા પણ કેવી રીતે કોરોના થાય છે તેનું જીવતુ જાગતુ ઉદાહરણ અહી રજૂ કરીએ છીએ. ફિનલેન્ડથી અમદાવાદ આવેલી યુવતીએ દરેક પ્રકારની કાળજી રાખ્યા છતા તે કોરોનાનો શિકાર છે, જેણે પોતાનો આંખ ઉઘડતો કિસ્સો રજૂ કર્યો છે. તેણે કહ્યું કે, અમદાવાદ (Ahmedabad) ના પહેલાં કેટલાંક COVID-19 પોઝિટિવ વ્યક્તિઓમાંથી એક હોવાથી હોસ્પિટલ બેડ પરથી તમને સૌ કોઈને મારી સફર જણાવવાનો વિચાર આવ્યો. આ કિસ્સો દરેક વ્યક્તિ માટે લાલબત્તી સમાન છે.