જંગલના રાજાની હાલત ગલીના રખડતા કૂતરા જેવી! Video વાયરલ થતા તપાસના આદેશ છૂટ્યા

Heatwave Alert : કાળઝાળ ગરમીમાં લોકોની હાલત ખરાબ થઈ જાય છે, તો અબોલ જીવોનું શું કહેવું. વન વિભાગ દ્વારા દર વર્ષે જંગલમાં ઉનાળામાં પાણીની વ્યવસ્થા કરવાની જાહેરાતો કરાતી હોય છે. પરંતું એક વીડિયોએ વન વિભાગની આ કામગીરીની પોલ ખોલી છે. ગુજરાત જ્યાં ગર્વ લે છે એ સાવજોને ગરમીમાં પાણી માટે કેવી રઝળપાટ કરવી પડે છે તેનો વીડિયો સામે આવ્યો હતો. જોકે, આ બાદ રાજ્ય સરકારના વન વિભાગ દ્વારા તપાસના આદેશ આપ્યા છે.  

ગીરના સાવજના પાણીથી બેહાલ થયેલા હાલના વીડિયો એ વન વિભાગ માટે કાળી ટીલ્લી સમાન છે. આ વાઇરલ વીડિયો સાવરકુંડલાના ઘોબા ગામની મેરામણ નદીનો કહેવાઈ રહ્યો છે જ્યાં પાણી માટે સાવજ રજળપાટ કરી રહ્યા છે. જ્યાં એક સાવજ પાણી માટે નદીના પટમાં ખાડો ખોદીને પાણી શોધવાનો પ્રયત્ન કરી રહ્યાં છે. સાથે જ જોઈ શકાય છે તરસના માર્યે તેના હાલ બેહાલ થયેલા છે. તે પાણી વગર લથડતી હાલતમાં ચાલી રહ્યો છે. 

View this post on Instagram

A post shared by Zee 24 Kalak (@zee24kalak)

ત્યારે આ વાયરલ વીડિયો અનેક સવાલો કરે છે કે, શું ગુજરાતમાં સાવજોને પાણી માટે કોઈ વ્યવસ્થા કરવામા આવતી નથી. આ વીડિયો જોઈને જીવદયાપ્રેમીઓએ ફીટકાર વરસાવ્યો છે. ધોમધખતા તાપમાં પાણી માટે વલખા મારતા સાવજનો આ દયનીય વીડિયો  ચિંતામાં મૂકે એવો છે.