ગુજરાતમાં માઠી `દશા` બેઠી! આ શહેરમાં હાલ દર ત્રીજી વ્યક્તિ ખાંસીથી છે પીડિત, જો આમને આમ રહ્યું તો....

પ્રશાંત ઢીવરે/સુરત: શહેરમાં હવામાન બદલાતા જ વાયરલ, ફીવર, ડેન્ગ્યુ સહિત મલેરિયાના કેશોમાં બમણો વધારો થયો છે. ગત વર્ષ સિવિલ હોસ્પિટલમાં 54 જેટલા દર્દીઓ નોંધાતા હતા જ્યારે આ વર્ષે 100થી વધુ કેસો નોંધાઈ રહ્યા છે. 

આ વર્ષ માર્ચ મહિનામાં જ વાતાવરણમાં સતત પરિવર્તન જોવા મળી રહ્યું છે. ક્યારે ઠંડી તો ક્યારેય વરસાદ કે ગરમી જેવું મિશ્ર વાતાવરણ રહેતા સીઝન અને બીમારીઓ સાથે ડેન્ગ્યુ, મલેરીયા, ગ્રેસ્ટ્રો વાયરલના દર્દીઓમાં સંખ્યા બમણી થઈ છે. શહેરના સરેરાશ દર ત્રીજી વ્યક્તિ શરદી અને ખાંસીથી પીડિત છે. અગાઉ જૂન જુલાઈમાં ડેન્ગ્યુ મલેરિયાના દર્દીઓ વધતા હતા. આ વખતે માર્ચથી જ રોજના 50 થી 60 દર્દી જોવા મળી રહ્યા છે. હાલમાં જ સિવિલ હોસ્પિટલમાં વાયરલના રોજ 75 થી 100 દર્દીઓ આવે છે.

ગત વર્ષની સરખામણીએ આ વર્ષમાં બમણો વધારો નોંધાયો છે. સિવિલ હોસ્પિટલના આંકડાની વાત કરીએ તો નીચે મુજબના છે

માર્ચ         2022        2023

વાયરલ    30થી 40     75થી100

ડેન્ગ્યુ        3થી4        10થી20

મલેરિયા.   4થી10       20થી30

ગ્રેસ્ટ્રો.       40થી 40    60થી70

સ્મીમેર હોસ્પિટલમાં  ફીવરના રોજ ના 20 થી વધુ દર્દી નોંધાઈ રહ્યા છે

માર્ચ.          2022        2023

વાયરલ.       5થી10     15થી20

ડેન્ગ્યુ           1થી2          2થી3

મલેરિયા.      1થી2         3થી4

ગ્રેસ્ટ્રો.          10થી20      30થી40

સામાન્ય રીતે ઋતુમાં સતત પરિવર્તન થતું રહેતા વાયરલના રોગો ફેલાય છે આ વર્ષ માર્ચમાં જ વાતાવરણમાં આવો પરિવર્તન જોવા મળ્યું છે. જેના કારણે સીઝનલ રોગોમાં વધારો થઈ રહ્યો છે. વાયરલ ફીવરની સાથે ઇન્ફ્લુએન્ઝાના કેસોમાં વધારો જોવા મળી રહ્યો છે. તબીબોનું માનવું છે કે આ સ્થિતિમાં લોકોએ સતર્ક રાખવી જરૂરી છે. ખાસ કરીને ભીડવા વાળી જગ્યા જતા બચવું જોઈએ .