રાજ્યમાં 6 મહાનગર પાલિકાઓમાં પ્રચાર પડઘમ શાંત, રવિવારે થશે મતદાન

અમદાવાદ : રાજ્યમાં છ મહાનગરપાલિકાની ચૂંટણીના પ્રચાર પડઘમ આજે સાંજે પાંચ વાગ્યે શાંત થઇ ચુક્યો છે. રવિવારે સવારે 8 વાગ્યાથી મતદાન શરૂ થસે અમદાવાદના 48 વોર્ડમાં 192 સીટ માટે આશસે 46 લાખ જેટલા  મતદારો મતદાન કરશે. આજ સાંજથી સોશિયલ મીડિયા અને ખાનગી બેઠકો કરી અને મતદારોને રિઝવવાનો પ્રયાસ કરશે. અંતિમ દિવસે ભાજપ અને કોંગ્રેસ પક્ષે વિવિધ મહાનગરોમાં અલગ અલગ વિસ્તારોમાં લાંબી લાંબી રેલીઓ કરીને મતદાતાઓને રિઝવવાનો પ્રયાસ કર્યો હતો. 

ભાજપ નેતાઓના દ્વારા મેરેથોન બેઠકો અને રેલીઓનું આયોજન કરીને મતદારોને રિઝવવાનો પ્રયાસ કર્યો હતો. આ ઉપરાંત સ્થાનિક સ્તરનાં નેતાઓ દ્વારા ડોર ટુ ડોર સંપર્ક કરીને અભિયાન ચલાવાયું હતું. આજે નીતિન પટેલ, સી.આર પાટીલ સહિતનાં અનેક ઉચ્ચ નેતાઓ દ્વારા રેલીનું આયોજન કરવામાં આવ્યું હતું. ભાજપના નેતાઓના અનુસાર તેમણે સ્થાનિક સ્વરાજની ચૂંટણીમાં જ્વલંત પ્રચાર કર્યો છે અને કામ પણ કર્યા છે. જનતા જરૂર અમને મત આપશે અને ફરી એકવાર અમે તમામ મહાનગરપાલિકાઓ કબ્જે કરીશું. 

અત્રે ઉલ્લેખનીય છે કે, આ વખતે મુખ્યત્વે ભાજપ-કોંગ્રેસ ઉપરાંત આપ વચ્ચે ત્રિપાંખીયો જંગ છે. આ ઉપરાંત એનસીપી, સીપીઆઇ, બસપા, જેડીએસ અને સપા અને એઆઇએમઆઇએમ સહિતના પક્ષો ચૂંટણી લડી રહ્યા છે. આ ઉપરાંત અનેક અપક્ષ ઉમેદવારો પણ સ્થાનિક સ્તરે ઉભા રહ્યા છે. 21 ફેબ્રુઆરીના રોજ 6 મહાનગરપાલિકામાં મતદાનની પ્રક્રિયા હાથ ધરાશે. જેમાં કુલ 1,14,67,358 મતદારો પોતાના મતાધિકારોનો ઉપયોગ કરશે. 

જાણો ગુજરાતમાં કેટલી પાલિકા અને કેટલી મહાનગરપાલિકાઓ?
ચૂંટણી	સંખ્યા	વોર્ડ સંખ્યા	બેઠકો	ભાજપ	કોંગ્રેસ	અન્ય
મહાનગરપાલિકા	6	144	576	385	183	8
નગરપાલિકા	81	680	2,088	984	587	517
જિલ્લા પંચાયત	31	988	988	292	472	224
તાલુકા પંચાયત	231	4,778	4,778	1,718	2,102	958
કુલ	324	6,590	8,430	3,379	3,344	1,707

કઈ મનપામાં કેટલા પુરૂષ અને મહિલા મતદારો
કોર્પોરેશન	પુરુષ	મહિલા	ટ્રાન્સજેન્ડર	કુલ
અમદાવાદ	24,14,451	22,09,976	165	46,24,592
રાજકોટ	567002	526984	19	10,94,005
વડોદરા	7,40,898	7,05,110	204	14,46,212
સુરત	18,17,186	14,71,047	110	32,88,343
જામનગર	2,50,502	2,38,937	12	4,89,451
ભાવનગર	2,70,501	2,54,225	29	5,24,755
કુલ	60,60,540	54,06,279	539	1,14,67,358