નિરાશાજનક સમાચાર : MLA ઈમરાન ખેડાવાલાનો કોરોનાનો બીજો રિપોર્ટ પોઝિટિવ આવ્યો

અર્પણ કાયદાવાલા/અમદાવાદ :અમદાવાદમાં કોંગ્રેસના ધારાસભ્ય ઇમરાન ખેડાવાલા (Imran Khedawala) નો કોરોનાનો બીજો રિપોર્ટ પણ આવી ગયો છે. ગત મોડી રાતે બીજો રિપોર્ટ આવ્યો છે, જે પોઝિટિવ હોવાનું સામે આવ્યું છે. અગાઉ 14 એપ્રિલે પ્રથમ રિપોર્ટ પોઝિટિવ આવ્યો હતો. ત્યારે હવે વે 26 એપ્રિલના રોજ ઈમરાન ખેડાવાલાનો ત્રીજો ટેસ્ટ કરવામાં આવશે. ઉલ્લેખનીય છે કે, ઈમરાન ખેડાવાલાનો કોરોના (corona virus) રિપોર્ટ પોઝિટિવ આવતા પહેલા તેઓ ગાંધીનગરમાં મુખ્યમંત્રી સાથેની બેઠકમાં ગયા હતા. જેમની સાથે કોંગ્રેસના બીજા બે ધારાસભ્યો પણ હતા, જેઓના રિપોર્ટ નેગેટિવ આવ્યા હતા.