મહેસાણા અને સાબરકાંઠામાં કોરોના વાઈરસના શંકાસ્પદ કેસથી તંત્ર એલર્ટ

તેજસ દવે(મહેસાણા), ઝી મીડિયા બ્યુરો (સાબરકાંઠા): ચીનમાં ફેલાયેલા કોરોના વાયરસના કહેરે હવે ભારતમાં પણ ફફડાટ ફેલાવ્યો છે. કેરળમાં કોરોના વાયરસનો ત્રીજો પોઝિટિવિ કેસ મળી આવતા ખળભળાટ મચ્યો છે અને તાકિદે ઈમરજન્સી લાગુ કરાઈ છે. આ બાજુ ગુજરાતમાં પણ કોરોના વાયરસના મહેસાણા અને સાબરકાંઠામાં શંકાસ્પદ કેસ જોવા મળતા તંત્ર સાબદુ બન્યું છે. 

મળતી માહિતી મુજબ 13 જાન્યુઆરીના રોજ મહેસાણાની વિદ્યાર્થીની ચીનથી માદરે વતન પરત ફરી હતી. વિદ્યાર્થીનીને સ્ક્રિનિંગ બાદ ઘરે ગયા પછી ખાંસી અને તાવની ફરિયાદ ઉઠતા સિવિલમાં ખસેડાઈ છે. હાલ આ વિદ્યાર્થીનીને સિવિલમાં બનેલા આઈસોલેશન વોર્ડમાં ખસેડાઈ છે.