મહેસાણામાં હવે મકાનના ભાવ આસમાન આંબશે! મહાનગરપાલિકા જાહેર કરાતા કઈ સુવિધાઓમાં થશે વધારો?

તેજસ દવે/મહેસાણા: રાજ્ય સરકાર દ્વારા આજે સાત નવી મહાનગરપાલિકાની જાહેરાત કરવામાં આવી. જેમાં મહેસાણાનો પણ સમાવેશ થવા જાય છે. મહેસાણાને મહાનગરપાલિકા જાહેર કરાતા અનેક વિકાસના કામોને વધુ વેગ મળશે. 

મહેસાણા નગરપાલિકાને મહાનગરપાલિકા બન્યા બાદ અનેક ફાયદાઓ થવા જશે જેવા કે રસ્તા પહોળા થશે ગ્રાન્ટમાં પણ વધારો થશે જયદેવ વધુ વિકાસ શીલ શહેર તરીકે મહેસાણા ઊભરી આવશે હાલ મહેસાણા શહેર ની 3,15,619 લાખ વસ્તી છે મહાનગરપાલિકા બન્યા બાદ નવા 16 ગામો એડ થશે જેની 1,11,378 લાખ વસ્તી એડ થશે એટલે 4,26,997 લાખ કુલ વસ્તી મહા નગરપાલિકામાં થશે. મહાનગરપાલિકામાં આ 16 ગામો એડ થશે. ફતેપુરા, રામોસણા, પાંચોટ, દેદીયાસણ, નુગર, પાલાવાસણા, શોભાસણ, હનુમંત હેડુવા, હનુમંત રાજગર, રામપુરા, કુકસ, લાખવડ, દેલા, ઉચરપી, તાવડિયા, તળેટી અને આ એડ થયા બાદ કુલ 4.26 લાખ વસ્તી થશે.

અન્ય ફાયદાઓની વાત કરીએ તો હાલમાં પાલિકા માં 7.50 કરોડ A ક્લાસ પાલિકાને મળે છે. જે હવે 30 થી 50 કરોડ મળશે. રોડ રી સરફેસ માટે 1 કરોડ મળતા જે હવે 20 કરોડ મળશે અને શહેરનો વિકાસ આગળના 40 વર્ષ ને ધ્યાનમાં રાખીને કરવામાં આવશે. મહેસાણા શહેરના 5 કિ.મી વિસ્તારમાં આવરી લેવાશે પાણી, ભૂગર્ભ ગટર અને રસ્તાના લાભ આ વિસ્તારને મળશે ટાઉન પ્લાનિંગ નો સુયોજિત વિકાસ થશે, નકશો બદલાશે, રસ્તાઓ પહોળા થશે પાલિકાનું નવું બિલ્ડિંગ મહાનગરપાલિકા માટે સર્કિટ હાઉસ નજીક સૂચિત જગ્યા આકાર પામી શકે છે..

મહેસાણા મહાનગરપાલિકા બન્યા બાદ શહેરી વિસ્તાર માં બમણો વિકાસ થશે વિકાસની જ વાત કરીએ તો હાલ મહેસાણા વિકાસની હરણફાળ ભરી રહ્યું છે જે વિકાસ હવે વધુ એક પામશે જેમાં 36 મીટર પહોળા રસ્તાઓ થશે મહેકમ વધશે, ગ્રાન્ટ વધશેમહાનગરપાલિકા માં સમાવેશ થનાર વિસ્તારના જમીન મકાન ના ભાવ વધશે. તાંત્રિક મજૂરી સ્થાનિક લેવલે જ મળી જશે એટલે કામગીરી પણ વધુ ઝડપી થશે સાથે સાથે મહેસાણામાં હાઇરાઇસ બિલ્ડિંગ બનવાનો માર્ગ મોકળો બનશે.

હાલમાં 1.5 FSI ની જગ્યાએ હવે 4 થી 5 FSI મળશે. FSI વધતા મહેસાણામાં ગગનચુંબી ઇમારતો બની શકશે આસપાસના 16 ગામોનો મહાનગરપાલિકામાં સમાવેશ થતા વિકાસને વધુ વેગ મળશે અને મહાનગરપાલિકામાં સમાવેશ થતા ગ્રામ્ય વિસ્તારના પણ જમીન મકાનના ભાવ વધશે. ગ્રામ્ય વિસ્તારોને મનપામાં સમાવેશ થતા પ્રાથમિક સુવિધાઓમાં વધારો થશે. 

મહેસાણા શહેર રમતો એક વિકસિત શહેર તરીકે ઉભરી આવેલું છે જે અનેક સુવિધાઓથી સજ્જ છે પછી એ અમદાવાદ દિલ્હીને જોડતો નેશનલ હાઈવે હોય અંડર પાસ હોય કે પછી મહેસાણા શહેરના ફરતે નીકળેલ બાયપાસ રોડ હોય તમામ રીતે મહેસાણા માં વણથંભ્યો વિકાસ થઈ રહ્યો છે પણ હવે મહાનગરપાલિકા નો દરજ્જો મળતા મહેસાણા બમણો વિકાસ થશે અને વધુ વિકાસના કામોને વેગ મળશે તેમ કહીએ તો નવાઈ નહીં.