ગુજરાતના 20 જિલ્લાવાળા બે દિવસ સાવધાન રહેજો, ખતરનાક છે અંબાલાલ પટેલની નવી આગાહી

Gujarat Rain Alert : જો તમે ગુજરાતમાં આજથી ક્યાંય ફરવા જવાનું કે કામથી બહાર જવાનું પ્લાનિંગ કરી રહ્યા છો તો સાવધાન રહેજો. કારણ કે, ગુજરાતના અનેક જિલ્લાઓમાં વરસાદની આગાહી જાણીતા હવામાન નિષ્ણાત અંબાલાલ પટેલે કરી છે. હાલ ગુજરાત પર સંકટના વાદળો મંડરાયા છે. ગઈકાલથી ગુજરાતમાં મોસમનો મિજાજ બદલાયો છે. છેલ્લા 24 કલાકમાં લગભગ અડધા ડઝન જિલ્લાઓમાં વરસાદ આવ્યો છે. ત્યારે હવામાન નિષ્ણાત અંબાલાલ પટેલની નવી આગાહી આ કરતા પણ ખતરનાક છે. 

ક્યાં ક્યાં આવશે વરસાદ 
હવામાન નિષ્ણાત અંબાલાલ પટેલની આગાહી મુજબ, હજુ પણ રાજ્યના કેટલાક ભાગોમાં કમોસમી વરસાદ રહેશે. અરવલ્લી, ઈડર અને વડાલીના ભાગોમાં કમોસમી વરસાદ રહેશે. મહેસાણાના કેટલાક ભાગોમાં કમોસમી વરસાદ રહેશે. આણંદ, નડિયાદ, ખેડા તથા દક્ષિણ ગુજરાતમાં કમોસમી વરસાદ રહેશે. શનિવારે પણ કમોસમી વરસાદ રહેશે.

ગુજરાતમાં હિમાલય જેવી ઠંડી અનુભવાશે 
ગુજરાતમાં બદલાયેલા મોસમના મિજાજનું કારણ આપતા અંબાલાલ પટેલે કહ્યું કે, ઉત્તરીય પર્વતીય પ્રદેશ અને ઉત્તર ભારતનો કમોસમી વરસાદ રહેશે. જેને કારણે 29 ડિસેમ્બરથી જાન્યુઆરીના પ્રથમ સપ્તાહમાં ગુજરાતમાં આકરી ઠંડી પડશે. 3 થી 10 જાન્યુઆરી દરમિયાન ઉત્તર પર્વતીય વિસ્તારમાં હીમ વર્ષાના કારણે ગુજરાતમાં ઠંડી પડશે. ગુજરાતમાં ઠંડીના કારણે પારો નીચે જશે. ઉત્તર ગુજરાત સહિત અનેક વિસ્તારોમાં 10 થી 8 ડિગ્રી તાપમાન જતાં ઠંડી પડશે. સૌરાષ્ટ્ર દક્ષિણ ગુજરાતમાં, મધ્ય ગુજરાતમાં ઠંડી વધશે. ગાંધીનગરનું ન્યૂનતમ તાપમાન ૮ ડિગ્રી પહોંચી શકે છે. 

ઉત્તરાયણ માટે અંબાલાલની આગાહી 
તેમણે કહ્યું કે, જાન્યુઆરીમાંના બીજા પખવાડિયાથી કમોસમી વરસાદ થઈ શકે છે. ઉત્તરાયણ પૂર્વે દરમિયાન વાદળો આવી શકે છે. જોકે, પતંગ રસિકો માટે સારા સમાચાર એ છે કે, ઉત્તરાયણ દરમિયાન સવારના સમયે સારો પવન રહેશે. ઉત્તરાયણમાં બપોરના સમયે પવન ઘટી શકે છે. પરંતું વાસી ઉત્તરાયણના દિવસે પવન રહેશે. ઉત્તરાયણ દરમિયાન ઠંડા પવનો વહેશે. તેથી આ પવન પતંગ રસિયાઓને અનુકૂળ રહેશે.