નિત્યાનંદ આશ્રમ વિવાદ : સતત મળી રહેલા ધમકીઓને કારણે પીડિત પરિવારને અપાયું પ્રોટેક્શન

અમદાવાદ :અમદાવાદમા નિત્યાનંદ આશ્રમ વિવાદ સતત વધી રહ્યો છે. સતત ધમકીઓ મળવાને પગલે દક્ષિણ ભારતથી આવેલી પીડિત પરિવારને પ્રોટેક્શન આપવામાં આવ્યું છે. તો બીજી તરફ પોલીસે ગાયબ બંને યુવતીઓની શોધખોળ કરી લીધી છે. પોલીસે આશ્રમમાં રહીને બંને યુવતીઓ સાથે વીડિયો કોલિંગ દ્વારા રાત્રે વાત કરી હતી. ત્યારે યુવતીઓ અમદાવાદ પહોંચે ત્યારે નિત્યાનંદ આશ્રમમાં ચાલી રહેલા વિવાદનો અંત આવી શકે છે. 

પરિવારને આપ્યું પ્રોટેક્શન
નિત્યાનંદ આશ્રમમાં પોતાના બાળકોને ગોંધી રખાયાના ફરિયાદ કર્યા બાદ દક્ષિણ ભારતથી આવેલા પરિવારને સતત ધમકીઓ મળી રહી હતી. જેને કારણે પરિવારને અમદાવાદ ગ્રામ્ય પોલીસે પ્રોટેક્શન આપ્યું છે. ધમકીઓ મળવાને કારણે પરિવાર ટેન્શનમાં હતો, જેથી પોલીસે તેઓને રક્ષણ આપ્યું હતું.