જસદણ: જૂના રેલવે સ્ટેશન પાસે પેટ્રોલપંપમાં નોકરી કરતા યુવકે ગળેફાંસો ખાઇ જીવન ટુંકાવ્યું

જસદણ : જસદણના જૂના રેલવે સ્ટેશન પાસે ઝાડ પર લટકીને યુવાને ગળેફાંસો ખાઇ લીધો હતો. કોઇ રાહદારીનું ધ્યાન જતા તેમણે 108ને અને જસદણ પોલીસને જાણ કરી હતી. ઘટના અંગે જાણ થતા પોલીસ સહિતનો સ્ટાફ ઘટના સ્થળે દોડી આવ્યા હતા. યુવાનનાં મૃતદેહને પીએમ અર્થે જસદણ સિવિલ હોસ્પિટલ ખાતે ખસેડવામાં આવ્યો હતો.

મૃતક યુવાન કાળાસરનો રહેવાી પ્રવીણ બાબુભાઇ ચૌહાણ (ઉ.વ 30) હોવાનું જાણવા મળ્યું હતું. જે પેટ્રોલ પંપમાં નોકરી કરતો હતો. કયા કારણથી ગળેફાંસો ખાધો તે અંગેની વિગત હજી જાણવા મળી નથી. હાલ તો જસદણ પોલીસે અકસ્માતે મોતનો ગુનો દાખલ કરીને તપાસ હાથ ધરી છે. ઉપરાંત તેના પરિવાર અને મિત્રોની પુછપરછ પણ આદરી છે.