કેનેડામાં બહારથી પિક્ચર સારું જ હોય છે એવુ નથી, એક પરિવાર અઢી મહિનામાં રિટર્ન થઈ ગયો

Canada Student Visa : અત્યાર સુધી તમે કેનેડા વિશે સારુ સારુ જ સાંભળતા આવ્યા છો. કેનેડામાં મોજ છે, કેનેડામાં સારી કમાણી છે સારું એજ્યુકેશન છે. પરંતું એવુ નથી કે બહારથી પિક્ચર સારું જ હોય. હવે ધીરે ધીરે કેનેડા સ્થાયી થયેલા લોકોને કેનેડાનો કડવો અનુભવ થઈ રહ્યો છે. કેનેડામાં પીઆર મેળવવા અનેક ભારતીયો તલપાપડ હોય છે. હવે ધીરે ધીરે ગુજરાતીઓ કેનેડાનો કડવો અનુભવ શેર કરી રહ્યાં છે. એક મહિલાએ પોતાની આપવીતી જણાવી. જેમાં તેના આખા પરિવારને બિસ્તરા પોટલા લઈને કેનેડાથી રિટર્ન થવુ પડ્યું.  

મહિલાએ પોતાના અનુભવ વર્ણવતા જણાવ્યું કે, અમે કેનેડામાં સેટ થઈ ગયા હતા. હું મારા પતિ અને બે બાળકો સાથે અમે કેનેડામાં બધુ જ સેટ કર્યુ હતું. અમને અહી ગાડી, ઘર બધુ જ મળી ગયુ હતું, છતાં અમે અઢી મહિનામાં જ ભારત પરત આવવાનો નિર્ણય લીધો. અમને કેનેડામાં સારા-નરસા બંને અનુભવો થયા હતા. અમે પ્લાન બનાવ્યો હતો કે, અમે કેનેડા અને ભારત આવતા-જતા રહીશું. કારણ કે, મારા પતિનો ભારતમાં સારો વ્યવસાય છે. તેથી અમે એક બેકઅપ પ્લાન બનાવ્યો હતો. પરંતુ અમારો આ પ્લાન ફેલ ગયો હતો.