13 દિવસ સસ્તા ટુર પેકેજમાં ફરો આખું ગુજરાત, IRCTC ફરી લાવ્યું નવું પેકેજ

Gujarat Tourism : ગુજરાતીઓ એટલે ફરવાના શોખીન. ફરવાના શોખીન ગુજરાતીઓ તક મળે એટલે ફરવા ઉપડી જાય. ત્યારે સાવ સસ્તામાં આખું ગુજરાત ફરવાની બેસ્ટ ઓફર મળી છે.  IRCTC મુસાફરો માટે આ ખાસ ઓફર લઈને આવ્યું છે. IRCTC એ ગુજરાત ફરવા માટે 8 દિવસનું પેકેજ જાહેર કર્યું છે. તમે આ ડિસેમ્બર મહિનામાં સસ્તામા આખું ગુજરાત ફરી શકો છો. જો તમે ડિસેમ્બરની ફુલગુલાબી ઠંડીમાં ગુજરાત ફરવા માંગો છો આ ઓફર તમારા માટે બેસ્ટ છે. 

ભારતીય રેલવેની સહાયક કંપની ઈન્ડિયન રેલવે કેટરીંગ એન્ડ ટુરિઝમ કોર્પોરેશન  (IRCTC) બહુ જ સસ્તા ભાવ પર 13 દિવસ અને 12 નાઈટનું ટુર પેકેજ લઈને આવ્યું છે. આ ટુર પેકેજમાં આઈઆરસીટીસી  (IRCTC) મુસાફરો માટે રહેવા, ખાવા અને ફરવાની વ્યવસ્થા કરવામાં આવશે. એટલે કે મુસાફરો ટેન્શન લીધા વગર બિન્દાસ્ત ફરશે. 

આઈઆરસીટીસીએ પોતાના ગુજરાત ટુર પેકેજને ‘Glorious Gujarat with Statue of Unity Ex-Agartala’ નામ આપ્યું છે. આ ટુર પેકેજમાં વડોદરા, દ્વારકા, સોમનાથ અને અમદાવાદ ફરવાનો મોકો મળશે.