અમદાવાદ: જસદણમાં આવતીકાલે સૌથી મોટું રાજકીય યુદ્ધ થવાનાં એંધાણ વર્તાઇ રહ્યાં છે. આવતીકાલે જસદણ વિધાનસભાની પેટા ચૂંટણી યોજાવાની છે. જેને લઇને જસદણની જનતા પસંદગીની મહોર મારશે. જસદણમાં હાલ ભાજપમાંથી ચૂંટણી લડી  રહેલા કુંવરજી બાવળીયા અગાઉ કોંગ્રેસની ટિકિટ પરથી પાંચ વાર ચૂંટણી લડીને જીતી ચૂકેલા છે. જસદણમાં ભાજપે આ વખતે પેટા ચૂંટણી જીતવા માટે મેગા પ્રચાર કર્યો છે. જેમાં CM, 7 મંત્રી, 38 MLA, 3 કેન્દ્રીય મંત્રીએ પ્રચાર કર્યો હતો. કોંગ્રેસની ટિકિટ પરથી અવસર નાકિયા ચૂંટણી લડી રહ્યાં છે. પરંપરાગત રીતે જોવા જઈએ તો આ બેઠક કોંગ્રેસનો ગઢ ગણાય છે. 


COMMERCIAL BREAK
SCROLL TO CONTINUE READING

જસદણમાં કાલે સૌથી મોટું રાજકીય યુદ્ધ!, વાઘાણી-ધાનાણીની પ્રતિષ્ઠા દાવ પર


કુંવરજી બાવળીયા પાંચવાર જીત્યા છે આ સીટ
પહેલા કોંગ્રેસમાં અને ત્યારબાદ ભાજપમાં આવેલા કુંવરજી બાવળીયા આ બેઠક પરથી અગાઉ  પાંચવાર ચૂંટણી જીતી ચૂકેલા છે. આ વખતે કોણ જીતશે તે તો આવનારો સમય જ કહેશે. 1995, 1998, 2002, 2007, 2017માં થયેલી વિધાનસભા ચૂંટણીમાં બાવળીયા કોંગ્રેસની ટિકિટ પરથી લડ્યા હતાં અને જીત્યાં હતાં. જો કે હવે તેઓ ભાજપમાંથી લડી રહ્યાં છે. આ સીટ પરંપરાગત રીતે કોંગ્રેસનો ગઢ હોવાથી હવે ચૂંટણી રોમાંચક બની રહી છે. ભાજપ તરફથી આ ચૂંટણીમાં પ્રચાર માટે કોઈ તક જવા દેવામાં આવી નથી. રાજ્યના દિગ્ગજ નેતાઓ પ્રચારમાં જોડાયા હતાં. 


જસદણ વિધાનસભા બેઠકનો વિજયી ઉમેદવારોનો અત્યાર સુધીનો રેકોર્ડ
         
વર્ષ ઉમેદવારનું નામ પક્ષ મત સંખ્યા (જીતનાર ઉમેદવાર) જીતનો તફાવત (મતસંખ્યા)
         
2017 કુંવરજી બાવળીયા કોંગ્રેસ 84321 9277
2012 ભોળાભાઈ ગોહિલ કોંગ્રેસ 78055 11027
2009 (પેટાચૂંટણી) બી બી ખોડાભાઈ ભાજપ 59934 14774
2007 કુંવરજી બાવળીયા કોંગ્રેસ 64674 25679
2002 કુંવરજી બાવળીયા કોંગ્રેસ 71296 20599
1998 કુંવરજી બાવળીયા કોંગ્રેસ 40473 13300
1995 કુંવરજી બાવળીયા કોંગ્રેસ 46207 21604
1990 ભીખાભાઈ ભાંભણીયા IND (અપક્ષ) 19112 8187
1985 ડાભી મામૈયાભાઈ કોંગ્રેસ 24736 10002
1980 ડાભી મામૈયાભાઈ IND (અપક્ષ) 19041 4623
1975 શિવકુમાર ખાચર IND (અપક્ષ) 27486 11199
1972 ગોસાઈ પી ગુલાબગીરી કોંગ્રેસ 18831 6839
1967 શિવકુમાર ખાચર SWA 13553 67
1962 વસંત પ્રભા શાહ કોંગ્રેસ 11186 4682

ભાજપે કર્યો મેગા પ્રચાર
જસદણમાં ભાજપે આ વખતે પેટાચૂંટણીમાં મેગા પ્રચાર કર્યો છે. જેમાં CM, 7 મંત્રી, 38 MLA, 3 કેન્દ્રીય મંત્રીએ પ્રચાર કર્યો હતો. આ ઉપરાંત 5 સાંસદ, 6 પૂર્વ મંત્રીઓએ પણ પ્રચાર કર્યો હતો. ભાજપના 95 નેતાઓ પણ જસદણ પેટાચૂંટણીનાં મેગા પ્રચારમાં જોડાયા હતા. જસદણમાં ભાજપ તરફથી કુંવરજી બાવળીયા ચૂંટણીના મેદાનમાં છે. જ્યારે  કોંગ્રેસની ટિકિટ પરથી અવસર નાકિયા ચૂંટણી લડી રહ્યાં છે. પરંપરાગત રીતે જોવા જઈએ તો આ બેઠક કોંગ્રેસનો ગઢ ગણાય છે. 


બંને પક્ષો માટે પ્રતિષ્ઠાનો જંગ
જસદણની ચૂંટણી ભાજપ અને કોંગ્રેસની સાથે પ્રદેશ પ્રમુખો માટે પણ પ્રતિષ્ઠાનો જંગ બની રહ્યો છે. પેટાચૂંટણીનું પરિણામ બંને પક્ષના નેતા પર અસર પાડશે. હાલ ભલે પેટાચૂંટણી હોય પણ માહોલ રાજ્યસભાની ચૂંટણી જેવો સર્જાયો છે. જો આ પેટાચૂંટણી ભાજપ જીત્યું તો પ્રદેશ પ્રમુખ જીતુ વાઘાણીની શાખમાં વધારો થશે. અને જો હારશે તો પ્રદેશ પ્રમુખ પર સીધી જ અસર પડશે. આ તરફ કોંગ્રેસ જીત્યુ તો પરેશ ધાનાણી મજબૂત રહેવાશે. અને જો કોંગ્રેસ હારશે તો પરંપરાગત બેઠક ગુમાવવાનો બુટ્ટો લાગી જશે.


ગુજરાતના વધુ સમાચારો વાંચવા માટે કરો ક્લિક...