હોલસેલ બજારમાં લીંબુના ભાવમાં કડાકો પણ છૂટક બજારમાં ભાવ યથાવત

નવનીત દલવાડી, ભાવનગર: ભાવનગર જિલ્લામાં લીંબુ પકવતા ખેડૂતોના ફરી વળતાં પાણી થયાં છે, લીંબુના ભાવ માં ધરખમ ઘટાડો જોવા મળી રહ્યો છે, એક સમયે માર્કેટ યાર્ડમાં 150 થી 200 રૂપિયે કિલો વેચાતા ખેડૂતોના લીંબુ હાલ 60 થી 140 રૂપિયે વેચાઈ રહ્યા છે, જ્યારે રિટેઇલ માર્કેટમાં ગ્રાહકો ને હજુ પણ 250 થી 300 ના ભાવે લીંબુ લેવા પડે છે, ત્યારે છૂટક બજાર ની સામે હોલસેલ બજારમાં ખૂબ નીચા ભાવે વેચાતા લીંબુના યોગ્ય ભાવ મળે એવી ખેડૂતો માંગ કરી રહ્યા છે.

કોરોનાકાળનો સમય ખેડૂતો માટે ખૂબ કપરો સાબિત થયો હતો, જ્યારે ખેડૂતો એ ખુલ્લા મનથી દર્દી નારાયણની સેવા માટે માત્ર 2 રૂપિયે કિલો લીંબુ વેચ્યા હતા. પરંતુ ત્યાર બાદ આવેલા તાઉ''''તે વાવાઝોડાએ ખેડૂતોની વર્ષોની મહેનત પર પાણી ફેરવી દીધું હતું. વાવાઝોડાના ભારે પવનના કારણે લીંબુના હજારો છોડવા મૂળ માથી ખેંચાઈ જતાં ખેડૂતોને વ્યાપક નુકશાન વેઠવાનો વારો આવ્યો હતો.