Rajkot: ગોંડલ માર્કેટિંગ યાર્ડમાં લાખો મણ નવી ડુંગળીની આવક

જયેશ ભોજાણી, ગોંડલઃ ડુંગળીના વધુ ભાવથી પરેશાન લોકોને હવે રાહત મળી શકે છે. ગુજરાતના માર્કેટિંગ યાર્ડો (Marketing yards) માં નવી ડુંગળી (Onion) ની આવક શરૂ થઈ ગઈ છે. આજે ગોંડલ (gondal) માર્કેટિંગ યાર્ડમાં ડુંગળીની મબલખ આવક થઈ છે. આજે ગોંડલ માર્કેટિંગ યાર્ડ ડુંગળીની ઉભરાઈ ગયું હતું. મહત્વનું છે કે ગઈકાલે અહીં મરચાની આવક મોટા પ્રમાણમાં થઈ હતી. 

એક લાખ બોરી ડુંગળીની આવક
ગોંડલ માર્કેટિંગ યાર્ડમાં ડુંગળીની ખરીદી શરૂ કરવામાં આવી હતી. તો આજે ખેડૂતો પોતાની ડુંગળી લઈને યાર્ડે પહોંચી ગયા હતા. આજે યાર્ડમાં આશરે એક લાખ બોરી જેટલી ડુંગળીની આવક થઈ છે. આજે યાર્ડમાં ડુંગળી વેચવા આવેલા ખેડૂતોની લાઇનો લાગી હતી. એક સાથે વધુ માત્રામાં ડુંગળીની આવક શરૂ થતા યાર્ડ સત્તાધિશોએ હવે ડુંગળીની આવક બંધ કરવાની ફરજ પડી છે. 

250-450 સુધી બોલાયા મણના ભાવ
ગોંડલ માર્કેટિંગ યાર્ડમાં આજે એક લાખ બોરી જેટલી ડુંગળીની આવક થઈ છે. યાર્ડમાં 250 રૂપિયાથી લઈને 450 રૂપિયા સુધી ડુંગળીના ભાવ બોલાયા હતા. સારી ડુંગળી 450 રૂપિયા મણના ભાવે વેચાઈ હતી. તો સામાન્ય ડુંગળીને પણ સારો ભાવ મળ્યો હતો.