વલસાડ :ગુજરાત (gujarat tourism) પાસે પણ આલાગ્રાન્ડ હિલ સ્ટેશનનો ખજાનો છે. તેમાં પણ એક હિલ સ્ટેશનની વાત કરીએ તો કુલુમનાલીની પહાડીઓ પણ તેની સામે ફિક્કી લાગશે. આ હિલ સ્ટેશન છે વલસાડનુ વિલ્સન હિલ્સ (Wilson hills) અનેક લોકો આ હિલ્સની ખાસિયત નથી જાણતા. ગુજરાત આ એકમાત્ર એવુ હિલ સ્ટેશન છે, જ્યાથી સમુદ્રનો નજારો પણ જોઈ શકાય છે. એકવાર તમે આ પહાડી પર આવશો તો તમને બીજે ક્યાય જવાનું મન નહિ થાય. ત્યારે દરિયાથી 2500 ફૂટ ઊંચે આવેલી આ પહાડી પર હવે મોન્સુન ફેસ્ટિવલ ઉજવાશે. 


COMMERCIAL BREAK
SCROLL TO CONTINUE READING

સ્થાનિક નૃત્યોને પ્રમોટ કરાશે
વિલ્સનહિલને પ્રવાસધામ તરીકે વિકસાવવાના ભાગરૂપે પર્યટન વિભાગ દ્વારા 13 થી 16 ઓગષ્ટ સુધી મોન્સુન ફેસ્ટિવલનું આયોજન કરાયું છે. જેમાં મુલાકાતીઓને સ્થાનિક પાપા ડાન્સ, તુર ડાન્સ, ઘેરીયા નૃત્ય, તારપા ડાન્સ, લોક ડાયરો, ગુજરાતી લોકનૃત્ય તેમજ વિવિધ કાર્યક્રમો માણવા મળશે. 


આ પણ વાંચો : ગુજરાતના આ હિલ સ્ટેશન સામે મનાલીની પહાડીઓ પણ ફિક્કી લાગશે, જ્યાં દરિયો પણ ભરે છે સલામી


ડાંગ જેવો જ મોન્સુન ફેસ્ટિવલ
ગુજરાત સરકાર દ્વારા ગુજરાતના છેવાડે આવેલા ડાંગ જિલ્લાને પ્રમોટ કરવા દર વર્ષે મોન્સુન ફેસ્ટિવલ ઉજવાય છે. ડાંગના મોન્સુન ફેસ્ટિવલનો પ્રારંભ થઈ ગયો છે. જમાં એક માસ માટે પ્રવાસીઓને રંગારંગ સાંસ્કૃતિક કાર્યક્રમ સાથે એડવેન્ચર એક્ટિવિટીની મજા માણવા મળે છે. રાજ્યના તત્કાલીન મુખ્યમંત્રી અને દેશના વડાપ્રધાન નરેદ્ર મોદીએ પ્રવાસન ઉદ્યોગને વેગ મળે અને સ્થાનિક લોકોને રોજગારી મળી રહે તે માટે સાપુતારા ખાતે મોન્સૂન ફેસ્ટિવલ ની શરૂઆત કરી હતી. જેનો હેતુ આ વિસ્તારોને ટુરિસ્ટ સ્પોટ તરીકે વિકસાવવાનો છે.


જ્યારે સિદ્ધાંત વ્હાલું હોય ત્યારે નેતા પદની પરવાહ નથી કરતા, જુઓ ગુજરાતના એક ખુદ્દાર નેતાની કહાની


સમુદ્રથી 2500 ફૂટ ઊંચે આવેલુ છે
વિલ્સન હિલ્સ સમુદ્રની લેવલથી અંદાજે 750 મીટરની ઊંચાઈ એટલે કે 2500 ફીટની ઊંચાઈએ આવેલુ છે. ઉનાળાના દિવસોમાં આ હિલ સ્ટેશન એકદમ શાંત અને શીતળ અનુભવ કરાવે છે. અહીના વળાંકવાળા રસ્તાઓ સૌથી વધુ પોપ્યુલર છે. જે સર્પાકાર આકારમાં છે. હરિયાળીથી ઢંકાયેલી પહાડી, વાદળોનુ ચાદર ઓઢતુ અદભૂત દ્રશ્ય, ચોમાસામાં દરેક પહાડી પરથી ટપકતા ઝરણા અને ખુશ્નુમા માહોલ તથા ચારેતરફ છવાયેલુ ધુમ્મસ તમારુ દિલ જીતી લેશે. સાપુતારા હિલ સ્ટેશનની સરખામણીમાં આ હિલ સ્ટેશન થોડુ નાનુ છે. પરંતુ તેને મિની સાપુતારા જ કહેવાય છે. જો તમે ચોમાસામાં ક્યાંય જવા માંગો છો તો આ હિલ સ્ટેશન પરફેક્ટ લોકેશન છે. 


[[{"fid":"396900","view_mode":"default","fields":{"format":"default","field_file_image_alt_text[und][0][value]":"wilson_hills_zee2.jpg","field_file_image_title_text[und][0][value]":"wilson_hills_zee2.jpg"},"type":"media","field_deltas":{"1":{"format":"default","field_file_image_alt_text[und][0][value]":"wilson_hills_zee2.jpg","field_file_image_title_text[und][0][value]":"wilson_hills_zee2.jpg"}},"link_text":false,"attributes":{"alt":"wilson_hills_zee2.jpg","title":"wilson_hills_zee2.jpg","class":"media-element file-default","data-delta":"1"}}]]


ગુજરાતના અલગ અલગ શહેરોથી વિલ્સન હિલ્સનું અંતર 


  • સુરતથી 130 km

  • સાપુતારાથી 120 km

  • મુંબઈથી 250 km

  • નવસારીથી 80 km

  • વલસાડથી 60 km

  • અમદાવાદથી 485 km

  • ધરમપુરથી 27 km (જેમાંથી 20 કિમીનો રસ્તો સર્પાકાર આકારનો છે) 


અહી પહાડી પર મધ્યમાં બિરુમલ મંદિર એ વિલ્સન હિલ્સનું સૌથી મોટુ આકર્ષણ છે. આ સ્થાન પર પહોંચવા માટે તમને 40 મિનિટની મુસાફરી ખેડવી પડશે. 


આ પણ વાંચો : અમદાવાદમાં અંધારુ છવાયું, આખું શહેર વાદળોના બાનમાં, ગમે ત્યારે વરસાદ તૂટી પડે તેવો માહોલ


અહી જોવાલાયક સ્થળો
વિલ્સન હિલ સ્ટેશન તેમજ તેની આસપાસના વિશેષ આકર્ષક સ્થળોમાં ખાસ કરીને ઓઝોન ઘાટી, સૂર્યોદય-સૂર્યાસ્ત પોઈન્ટ, સંગેમરમર છતરી, ધરમપુર શહેર, વિલ્સન હિલ્સ મ્યૂઝિયમ, શંકર વોટરફોલ વગેરે જોવા જોવાલાયક છે. આ ઉપરાંત ધરમપુર શહેરથી લગભગ 10 કિલોમીટર દૂર બિલપુડી ટ્વીન ઝરણુ છે, જેને લોકો માવલી માતા ઝરણા નામથી પણ ઓળખે છે. આ ઝરણા પરથી 20 ફીટ ઉંચાઈથી પાણી પડે છે. તેની સુંદરતા મનમોહક હોય છે. 


અહી આવવાનો સૌથી સારો સમય ચોમાસાની સીઝન છે. અહી તમને ચોમાસામાં ધુમ્મસભર્યુ વાતાવરણ જોવા મળશે.  અહી તમને રહેવા માટે રિસોર્ટ પણ મળી જશે. તો સાથે પ્રવાસીઓમાટે કેટલીક ઝૂંપડી (Huts) પણ બનાવાયેલી છે. જેમા તમે રોકાઈ શકો છો. વિલ્સન હિલ્સ પર જવા માટે સૌથી સારુ માધ્યમ રસ્તાનો છે. ટ્રેનથી જવા માટે તમારે ધરમપુર સુધી જવુ પડશે.