બોલિવુડ અભિનેતા સુશાંતસિંહની આત્મહત્યા કેસમાં રાજકોટનાં યુવાને ટેટુ બનાવી વ્યક્ત કર્યો વિરોધ

સત્યમ હંસોરા/રાજકોટ: બોલિવૂડના સ્ટાર અભિનેતા સુશાંતસિંહે આત્મહત્યા કરી હતી. જેમાં સુશાંતના ઘરમાં જ તેનો મૃતદેહ મળી આવ્યો હતો. ત્યારે હાલ સુશાંતના મોતના મામલે દેશમાં ઘણો વિવાદ જોવા મળી રહ્યો છે. રાજકોટમાં પણ હાલ યંગસ્ટર્સમાં સુશાંતના મોતનો મામલો ખૂબ જ ચર્ચાઈ રહ્યો છે. તેના મોત મામલે યંગસ્ટર્સ દ્વારા ટેટૂ બનાવડાવીને તેને શ્રદ્ધાંજલિ સાથે યોગ્ય તપાસની માગ કરવામાં આવી રહી છે.

ધર્મેશ મકવાણા નામના વ્યક્તિ દ્વારા ટેટુ બનાવી સુશાંત ના ન્યાય માટે  ની માંગ કરી છે ધર્મેશ 10 વર્ષથી ટેટૂ આર્ટિસ્ટ તરીકે વર્ક કરે છે. ત્યારે ધર્મેશે જણાવ્યું હતું કે, સુશાંતના મોત બાદ હાલ રાજકોટ સહિતના યંગસ્ટર્સમાં સુશાંતના ટેટૂ બનાવવાનો ક્રેઝ વધારે જોવા મળી રહ્યો છે. અત્યાર સુધીમાં ઘણા યંગસ્ટર્સ દ્વારા આ પ્રકારના નાના મોટા સુશાંતના ટેટૂ બનાવવામાં આવ્યા છે. અમે પણ લોકોની માગને લઈને બને એટલા સોશિયલ ડિસ્ટન્સ અને માસ્ક અને સરકારના નીતિ નિયમ મુજબ આ ટેટૂ બનાવી આપીએ છીએ.