રાજ્યમાં ભારે વરસાદને પગલે અનેક જળાશયો થયા ઓવરફ્લો, જાણો ક્યાં કયો ડેમ છલકાયો

અમદાવાદ: રાજ્યમાં છેલ્લા 24 કલાકમાં 251 તાલુકામાં વરસાદ નોંધાયો છે. જામનગરના જોડીયામાં અને મહેસાણાના કડીમાં 13 ઈંચથી વધારે વરસાદ સાથે આભ ફાટ્યું છે. ત્યારે રાજ્યમાં ભારે વરસાદના પગેલ અનેક જળાશયો થયા ઓવરફ્લો થયા છે. પાણીની આવકમાં વધરો થતાં તંત્રને ડેમના દરવાજા ખોલવાની ફરજ પડી છે. ત્યારે આવો જાણીએ ક્યાં કયા ડેમના કેટલા દરવાજા ખોલાયા છે. રાજ્યમાં છેલ્લા 24 કલાકમાં 251 તાલુકામાં વરસાદ નોંધાયો છે. 

આ પણ વાંચો:- મોરબીમાં ભારે વરસાદથી નદીઓ બે કાંઠે, રાયસંગપર ગામે પિતા-પુત્ર તણાયા

નર્મદા જિલ્લાના નાનાકાકડીઆંબા ડેમની સપાટી 187.71 મીટર છે. તેમાં પાણીની આવક થતા હાલ ડેમ 187.73 મીટરે ઓવરફ્લો થઇ રહ્યો છે. ડેમ 2 સે.મીથી ઓવરફ્લો થઇ રહ્યો છે. મહિસાગર જિલ્લાના કડાણા ડેમની જળ સપાટી 415.6 ફુટ પર પહોંચી છે. ત્યારે કડાણા ડેમના 3 ગેટ 6 ફુટ ખોલવામાં આવ્યા છે. કડાણા ડેમમાં 1,24,000 ક્યુસેક પાણીની આવક નોંધાઇ છે ત્યારે હાલ ડેમમાંથી 49,000 ક્યુસેક જેટલું પાણી છોડાઇ રહ્યું છે.

આ પણ વાંચો:- રાજ્યના આ બે શહેરમાં આભ ફાટ્યું, છેલ્લા 24 કલાકમાં 13 ઈંચ કરતા વધુ વરસાદ ખાબક્યો

જામનગર જિલ્લામાં ભારે વરસાદથી 20 જળાશયો ઓવરફ્લો થયા છે. રંગમતિ ડેમના ત્રણ દરવાજા બે ફુટ ખોલવામાં આવ્યા છે. ઉંડ ડેમના ત્રણ દરવાજા પણ બે ફૂટ ખોલવામાં આવ્યા છે. આજી-3 ડેમના સાત દરવાજા ચાર ફુટ ખોલવામાં આવ્યા છે. જ્યારે સાગર ડેમ એક ફુટ અને સરોઇ પોણો ફુટથી ઓવરફલો થઇ રહ્યો છે. ભાવનગર જિલ્લાના શેત્રુંજી ડેમના 40 દરવાજા ખોલવામાં આવ્યા છે. આ ડેમના દરવાજા 1 ફુટ 9 ઈંચ જટેલા ખોલવામાં આવ્યા છે.

આ પણ વાંચો:- મોરબીમાં જળબંબાકાર: ટંકારામાં 10 ઈંચથી વધુ વરસાદથી લોકો ફસાયા, મચ્છુ ડેમ ઓવરફ્લો

રાજકોટ જિલ્લાનો મોતીસર ડેમની કુલ 22 ફુટની સપાટી છે. ત્યારે મોતીસર ડેમના 14 દરવાજા ખોલવામાં આવ્યા છે. જ્યારે આજી-3 ડેમના 12 દરવાજા 8 ફુટ ખોલવામાં આવ્યા છે. મોરબી જિલ્લાના 10માંથી 9 લેડમ ઓવરફ્લો થયા છે. મચ્છુ-1 ડેમ હાલમાં ૦.49 એમટીથી ઓવરફલો થયો છે. મચ્છુ-2 ડેમના 12 દરવાજા 8 ફુટ ખોલાયા છે. મચ્છુ-3 ડેમના 15 દરવાજા 5 ફુટ ખોલાયા છે. ડેમી-1 ડેમ હાલમાં 0.25 મીટરથી ઓવરફલો ખોલાયા છે. ડેમી-2 ડેમના 12 દરવાજા 7 ફુટ ખોલાયા છે. ડેમી-3 ડેમના 13 દરવાજા 5 ફુટ ખોલાયા છે.

આ પણ વાંચો:- રાજ્યભરમાં આજે GUJCETની પરીક્ષા, સોશિયલ ડિસ્ટનસિંગ સાથે વિદ્યાર્થીઓ આપશે પરીક્ષા

મોરબી જિલ્લાના ઘોડાધ્રોઇ ડેમના 3 દરવાજા 1 ફુટ ખોલાયા છે. બંગાવડી ડેમ હાલમાં 1 મીટરથી ઓવરફલો થયા છે. બ્રાહ્મણી-1 ડેમમાં પાણીની સારી આવક થઇ રહી છે. બ્રાહ્મણી-2 ડેમમાં 1 દરવાજો 1 ફુટ ખોલાયા છે. મહાકાય મચ્છુ-2 ડેમમાં પાણીની આવકમાં સતત વધારો થઇ રહ્યો છે. ત્યારે ડેમના 38 દરવાજામાંથી 12 દરવાજા 8 ફુટ સુધી ખોલાયા છે. ડેમમાંથી અત્યાર સુધીમાં 59,616 ક્યુસેક પાણીની જાવક કરવામાં આવી છે.

આ પણ વાંચો:- અંબાજી મંદિરને પણ લાગ્યું કોરોનાનું ગ્રહણ, દર્શનાર્થીઓ માટે આજથી મંદિરના દરવાજા બંધ

પંચમહાલ જિલ્લાના ડેવ ડેમના બે ગેટ 25 સેમી ખોલાયા છે. 1000 ક્યુસેક પાણી છોડવામાં આવી રહ્યું છે. હડફ ડેમનો એક ગેટ બે ફુટ ખોલાયો છે. જેમાંથી 2670 ક્યુસેક પાણી છોડાયું છે. સાબરકાંઠા જિલ્લાના ગોરઠીયા ડેમના તમામ 15 ગેટ ખોલાયામાં આવ્યા છે. જવાનપુરા ડેમના તમામ 15 ગેટ ખોલાયા છે. હરણાવ ડેમનો એક ગેટ અડધો ફુટ ખોલાયો છે. ખેડવા ડેમનો એક ગેટ બે ફુટ ખોલાયો છે.