કચરાના ઢગલામાંથી 7 દિવસ બાદ બાળકીનો ક્ષત વિક્ષત દેહ મળી આવ્યો

અમદાવાદ : શહેરના પીરાણા ડમ્પિંગ સાઇટ પર એક અઠવાડીયા પહેલા સાંજે કચરાના ઢગલામાં દટાયેલી 12 વર્ષીય બાળકીની લાશ આજે બપોરે ફાયર બ્રિગેડની ટીમને મળી આવી હતી. જો કે મૃતદેહ અડધો જ મળી આવ્યો હતો. અડધો દેહ કચરામાં બળી ગયો હોવાનું માનવામાં આવી રહ્યું છે. હાલ દાણીલીમડા પોલીસ ઘટના સ્થળે પહોંચી તપાસ શરૂ કરવામાં આવી છે. 

26 સપ્ટેમ્બરના રોજ સાંજે 9 વર્ષનો બાળક અને 12 વર્ષની બાળકી બંન્ને ભાઇ બહેન પીરાણા ડમ્પિંગ સાઇટ ખાતે સાંજે કચરો વીણવા ગયા હતા. કચરો વીણતા વીણતા બંન્ને ભાઇ બહેનો પર મોટો કચરાનો ઢગલો પડ્યો હતો. જેમાં બંન્ને ભાઇ બહેન દબાયા હતા. જો કે તત્કાલ કાર્યવાહી કરતા 9 વર્ષનો બાળક મળી આવ્યો હતો. બાળકી મળી નહોતી. જેના કારણે ફાયર વિભાગ દ્વારા રેસક્યું ચલાવાયું હતું. 7 દિવસ સુધી રેસક્યું ઓપરેશન ચલાવાયા બાદ બાળકી મળી આવી હતી. જો કે કચરો સળગતો રહેતો હોવાના કારણે ફાયરના રેસક્યુંમાં અનેક અડચણો આવી હતી. 

9 વર્ષનો બાળક અને 12 વર્ષીય ભાઇ બહેન પીરાણા ડમ્પિંગ સાઇટ ખાતે 26 સપ્ટેમ્બરની સાંજે કચરો વિણવા માટે ગયા હતા. જો કે આ દરમિયા બંન્ને ભાઇ બહેન પર મોટો કચરાનો ઢગલો પડ્યો હતો. બંન્ને ભાઇ બહેન દટાયા બાદ ફાયરની ટીમ દોડી આવી હતી. બંન્નેની શોધખોળ હાથ ધરતા 9 વર્ષનો બાળક મળી આવ્યો હતો. જેને બહાર કાઢી લેવાયો હતો. જ્યારે બાળકીની શોધખોળ 7 દિવસ સુધી ફાયર દ્વારા ચલાવાઇ હતી. ફાયરની ટીમ દ્વારા 7 દિવસથી દિવસ રાત બુલ્ડોઝર દ્વારા રેસક્યું ચલાવ્યું હતું.