વડોદરા: ડભોઇમાં 3 ઈંચ વરસાદથી પાણી-પાણી, લોકો મુશ્કેલીઓમાં મુકાયા

ચિરાગ જોષી, વડોદરા: સમગ્ર ગુજરાતમાં મેઘરાજાએ ધમાકેદાર બેટિંગ કરી છે. ત્યારે વડોદરાના ડભોઇ ખાતે રાત્રી દરમિયાન સાડા ત્રણ ઈંચ જેટલો વરસાદ વરસી ચૂક્યો છે. ડભોઇ નગરની સોસાયટીઓમાં ઘૂંટણ સમા પાણી જોવા મળ્યા હતા. એટલું જ નહીં કેટલાક ઘરોમાં પાણી પણ ઘૂસી ગયા હતા. જેના કારણે ઘરવખરીને ભારે નુકસાન થવા પામ્યું હતું.

વધુમાં વાંચો:- રાજ્યમાં મેઘરાજા મહેરબાન: ક્યાંક ધોધમાર તો ક્યાંક નહિવત વરસાદ, નર્મદા ડેમમાં પાણીની આવક

ગત રાત્રીથી વરસેલા વરસાદને લઇને ગુજરાતની તમામ જગ્યાઓ પર પાણી પાણી થઇ ગયા છે. ત્યારે બીજી તરફ વડોદરાના ડભોઇ ખાતે આવેલ સોસાયટીઓમાં પાણી ભરવાની ઘટનાઓ સામે આવતા નગર પાલિકાની પ્રિમોન્સુન કામગીરી ઉપર અનેક સવાલો ઉભા થયા છે.

વધુમાં વાંચો:- દક્ષિણ ગુજરાતમાં મેઘમલ્હાર: વલસાડ જિલ્લામાં 8 ઈંચથી વધુ વરસાદ, ઘરોમાં પાણી ભરાયા

એટલું જ નહીં ડભોઇ નગરની શ્રીજી પાર્ક આશીર્વાદ આયુશ અને યમુના સોસાયટીઓમાં ઘૂંટણ સમા પાણી જોવા મળ્યા હતા. તો કેટલાક ઘરોના રસોડા સુધી પાણી જોવા મળ્યું હતું. જેને લઇને કેટલાક પરિવારોને પારિવારિક સમસ્યાનો સામનો કરવાનો વારો આવ્યો હતો. વરસાદને પગલે ગત રાત્રીથી જ નીચાણવાળી સોસાયટીઓમાં વીજ પુરવઠો પણ બંધ કરી દેવાયો હતો.

જુઓ Live TV:-