Side Effects of cold water: પાણીનો એક ઠંડો ગ્લાસ પણ તમને પહોચાડી શકે છે હોસ્પિટલ! જાણો ચીલ્ડ પાણી પીવાના ગેરફાયદા

Side Effects of cold water:  ભર તડકામાંથી ઘરે આવતાની સાથે જ ફ્રિજમાંથી ઠંડુ પાણી પીવાથી તમને ઠંડકનો અહેસાસ ચોક્કસ મળે છે, પરંતુ તે તમને બીમાર પણ કરી શકે છે. ડીહાઈડ્રેશનથી બચવા માટે ઉનાળાની ઋતુમાં પાણી પીવું જરૂરી છે, પરંતુ વધુ પડતું ઠંડુ પાણી પીવાથી સ્વાસ્થ્યને નુકસાન પણ થઈ શકે છે.  માર્ચ મહિનાથી જ ગરમીની શરુઆત થઇ ગઇ છે. ગરમીથી પરસેવે રેબઝેબ થવાનો વારો આવ્યો છે.  બપોરે બહારથી ઘરે આવ્યા પછી એક ઠંડા પાણીનો ગ્લાસ ખૂબ રાહત આપે છે.  પરંતુ શું તમને ખબર છે કે ચિલ્ડ વૉટર શરીર માટે નુકસાનકારક છે? ત્યારે આવો જાણીએ વધુ પડતું ઠંડુ પાણી પીવું સ્વાસ્થ્ય માટે કેવી રીતે હાનિકારક હોઈ શકે.

હૃદયના ધબકારા ઓછા થાય
ઠંડુ પાણી પીવાથી હૃદયના ધબકારા ઘટે છે. તે  જે શરીરના અનૈચ્છિક કાર્યોને નિયંત્રિત કરનારા જ્ઞાનતંતુઓને ઉત્તેજિત કરે છે જેને વેગસ નર્વ કહેવાય છે. તે નર્વસ સિસ્ટમનો એક મહત્વપૂર્ણ ભાગ છે. હૃદયના ધબકારા આખરે ધીમા પડી જાય છે. આ હૃદય માટે સારું નથી, કારણ કે તેનાથી હૃદય સંબંધિત ઘણી અન્ય સમસ્યાઓ થઈ શકે છે.

કબજિયાતની સમસ્યા થઈ શકે છે
જો તમે સતત ઠંડુ પાણી પીશો તો તમને કબજિયાતની સમસ્યા થઈ શકે છે. જ્યારે તમે ઠંડુ પાણી પીઓ છો, ત્યારે ખોરાક શરીરમાંથી પસાર થતાં સખત થઈ જાય છે. આંતરડા પણ સંકોચાય છે, જે કબજિયાતના મુખ્ય કારણોમાંનું એક છે. 

આ પણ વાંચો
વિકાસ તો માત્ર મોંઘવારીનો જ થયો, રોજ વપરાતી વસ્તુઓના આટલા વધ્યા ભાવ
મેષ રાશિમાં 12 વર્ષ બાદ ગુરૂનું ગોચર, ચતુર્ગ્રહી યોગથી ચમકી જશે આ જાતકોનું ભાગ્ય
આજે તમારું ભાગ્ય સાથ આપશે કે નહિ, આજનો દિવસ કેવો જશે તે જાણીને બીજા કામ કરજો

માથાનો દુખાવો થઈ શકે છે
વધુ પડતું ઠંડુ પાણી અથવા બરફનું પાણી પીવાથી મગજ જામી શકે છે. તે કરોડરજ્જુની ઘણી સંવેદનશીલ ચેતાને ઠંડક આપે છે અને તે તરત જ તમારા મગજમાં સંદેશા મોકલે છે, જે બદલામાં માથાનો દુખાવો તરફ દોરી જાય છે. તેમજ જેમને સાઇનસની સમસ્યા છે, તેમના માટે પણ આ સમસ્યા વધી શકે છે.

પાચનશક્તિ નબળી બનાવે
વધુ પડતું ઠંડુ પાણી પીવાથી પાચનતંત્ર પર અસર થાય છે. તેનાથી પાચનમાં સમસ્યા થઈ શકે છે, કબજિયાત, પેટમાં દુખાવો, ઉબકા, પેટ ફૂલવું જેવી સમસ્યાઓ પણ થઈ શકે છે. જ્યારે ઠંડુ પાણી શરીરમાં પ્રવેશે છે, ત્યારે તે શરીરના તાપમાન સાથે મેળ ખાતું નથી. આવી સ્થિતિમાં ઠંડુ પાણી શરીરમાં પહોંચે છે અને પેટમાં રહેલા ખોરાકને પચાવવામાં મુશ્કેલી પડે છે.

સ્થૂળતા ઘટાડવામાં સમસ્યા આવી શકે છે
જ્યારે તમે વધુ પડતું ઠંડુ પાણી પીઓ છો, ત્યારે શરીરમાં રહેલી ચરબીને બાળવી મુશ્કેલ બની જાય છે. ઠંડુ પાણી શરીરની ચરબીને સખત બનાવે છે, જેના કારણે ચરબી બર્ન કરવામાં સમસ્યા થાય છે. જેઓ વજન ઓછું કરવા માંગે છે તેમણે ખૂબ મર્યાદિત માત્રામાં ઠંડુ પાણી પીવું જોઈએ.....