ચીન સાથે તણાવ વચ્ચે લેહ પહોંચ્યા આર્મી ચીફ એમએમ નરવણે, અધિકારીઓ સાથે કરી વાતચીત

જમ્મૂ-કાશ્મીરઃ લદ્દાખમાં ત્રણ સ્થળો પર ચીનની સાથે તણાવ વચ્ચે આર્મી ચીફ એમએમ નરવણેએ લેહનો પ્રવાસ કર્યો છે. આ દરમિયાન તેમણે ટોચના અધિકારીઓની સાથે મુલાકાત કરી અને ત્યાંની સ્થિતિનું નિરીક્ષણ કર્યું હતું. આ દરમિયાન તેમણે ઉત્તરી કમાન્ડના મુખ્ય અધિકારીઓ સાથે પણ બેઠક યોજી હતી. 

સ્પષ્ટ છે કે ભારત અને ચીનની સરહદ પર એકવાર ફરી તણાવ શરૂ થયો છે. સેના પ્રમુખના પ્રવાસ પહેલા બંન્ને દેશોના સૈન્ય અધિકારીઓના સ્તર પર વાતચીત શરૂ થઈ હતી. લદ્દાખ સેક્ટમાં વાસ્તવિક નિયંત્રણ રેખા  (LAC)ની પાસે ભારત અને ચીનના ફીલ્ડ કમાન્ડરો વચ્ચે ઉત્તરી લદ્દાખમાં ગાલવાન નાલા ક્ષેત્રમાં જારી ગતિરોધનો હલ કરવા માટે વાતચીત ચાલી રહી છે.

ટોચના સરકારી સૂત્રોએ કહ્યું કે, ચીન ભલે ક્ષેત્રમાં ભારતીય નિર્માણ ગતિવિધિઓ પર વિરોધ નોંધાવી રહ્યું હોય, પરંતુ હાલમાં તેના હેલિકોપ્ટર ભારતીય પેટ્રોલિંગ બિંદુ પર આવી ગયા હતા. 

સરહદની નજીક ચીને બનાવ્યા ઘણા રસ્તા
સૂત્રોએ કહ્યુ, આપણા ઉપગ્રહ મોનિટરિંગ અને ગુપ્ત જાણકારીથી માહિતી મળે છે કે ચીને ગાલવાન નદીની પાસે ભારતીય પેટ્રોલિંગ બિંદુની પાસે સૈનિકોને લાવવા અને લઈ જવા તથા સામાનોની સપ્લાઈ માટે ક્ષેત્રમાં ઘણા રોડનું નિર્માણ કર્યું છે. આ ગાલવાન નદી શ્યોક નદીની સહાયક નદી છે. 

સૂત્રોએ કહ્યું કે, દૌલત બેગ ઓલ્ડી સેક્ટરમાં 81 બ્રિગેડના અધિકારીઓ અને તેના ચીની સમકક્ષો વચ્ચે બેઠકો થઈ રહી છે. ત્યાં સુધી કે બંન્ને પક્ષોએ ક્ષેત્રમાં પોત-પોતાની સૈન્ય હાજરી પણ વધારી દીધી છે. 

2 સપ્તાહથી તણાવ યથાવત
ગાલવાન નાલા ક્ષેત્રમાં નિર્માણ ગતિવિધિઓને લઈને બંન્ને પક્ષો વચ્ચે છેલ્લા બે સપ્તાહથી સતત તણાવ બનેલો છે. સૂત્રોએ જણાવ્યું કે, ચીની  માળખાગત સુવિધાના વિકાસ બાદ ભારત તરફથી એલએસી કિનારે સરહદ સડક સંગઠન  (BRO)નો ઉપયોગ કરતા રસ્તાઓનું નેટવર્ક પણ બનાવવામાં આવ્યું છે.