સચિન પાયલટનો દાવો ફેલ, રાજસ્થાનમાં બચી ગઈ અશોક ગેહલોતની સરકાર!

જયપુરઃ રાજસ્થાનમાં ચાલી રહેલા રાજકીય સંગ્રામમાં મુખ્યમંત્રી અશોક ગેહલોતની ખુરશી બચી જાય તેમ લાગી રહ્યું છે. નાયબ મુખ્યમંત્રી સચિન પાયલટના બળવાથી સરકારને નુકસાન થાય તેમ લાગતું નથી. ધારાસભ્ય દળની બેઠક પહેલા કેમેરાની સામે મુખ્યમંત્રી અશોક ગેહલોતે શક્તિ પ્રદર્શન કર્યું છે. દાવો કરવામાં આવી રહ્યો છે કે 102 ધારાસભ્યો બેઠકમાં હાજર છે. મુખ્યમંત્રી અશોક ગેહલોત મીડિયાના કેમેરાની સામે વિક્ટ્રી સાઇન બનાવીને દેખાડતા જોવા મળ્યા છે. પરંતુ હજુ બેઠક શરૂ થઈ નથી. 

બેઠકમાં સચિન પાયલય સિવાય બે મંત્રી પહોંચ્યા નથી. 18 ધારાસભ્યો અને પાયલટ સહિત ત્રણ મંત્રી બેઠકમાં પહોંચ્યા નથી. આ બેઠકમાં પાયલટ જૂથના મનાતા પાંચ-છ ધારાસભ્યો પહોંચી ગયા છે. પરંતુ મંત્રી રમેશ મીણા અને અન્ય એક મંત્રી પહોંચ્યા નથી. 

પાયલટના સમર્થક ધારાસભ્યો ગેહલોતની સાથે જોવા મળ્યા
સૂત્રોનું કહેવું છે કે ભાજપ સાથે વાત ન બનવાને કારણે કોંગ્રેસના બળવાખોર નેતા સચિન પાયલટના સમર્થક 24 ધારાસભ્યો છટકી ગયા છે. આ ધારાસભ્ય દળની બેઠકમાં સામેલ થયા છે. હજુ પણ 12 કોંગ્રેસ અને 3 અપક્ષ ધારાસભ્ય પાયલટના સંપર્કમાં હોવાની વાત સામે આવી છે. આ ધારાસભ્યો આજની બેઠકમાં પહોંચ્યા નથી. 

જુઓ LIVE TV