Ayodhya Ram Mandir: રામ મંદિર પર ભૂકંપની નહી થાય અસર, આ ટેક્નોલોજીથી 24 કલાક પહેલાં મળી જશે એલર્ટ

Ayodhya Ram Mandir Earthquake:  ઉત્તર પ્રદેશના અયોધ્યામાં બની રહેલા રામ મંદિરનું કામ તેજ ગતિએ ચાલી રહ્યું છે અને તેમાં અનેક પ્રકારની વિશેષ ટેકનોલોજીનો ઉપયોગ કરવામાં આવી રહ્યો છે. રામ જન્મભૂમિ સંકુલમાં ભક્તોની દરેક સુવિધાનું ધ્યાન રાખવામાં આવી રહ્યું છે. હવે આ માહિતી બહાર આવી રહી છે કે રામ મંદિરને ભૂકંપની પણ અસર નહીં થાય, કારણ કે આ માટે ભાભા એટોમિક રિસર્ચ સેન્ટર, મુંબઈ (BARC, Mumbai) એ ડૉ. રામ મનોહર લોહિયા અવધ યુનિવર્સિટીમાં જિયો સ્ટેશન સ્થાપ્યું છે. આ સ્પેશિયલ ટેક્નોલોજી દ્વારા ભૂકંપના 24 કલાક પહેલા માહિતી મળી રહેશે અને જાન-માલની સુરક્ષા કરવામાં આવશે.

રામ મંદિર તરફ જતો રસ્તો કેવો હશે?
રામ જન્મભૂમિ પથથી રામ મંદિર સુધીનો રસ્તો કેવો હશે તેની તસવીરો બહાર પાડવામાં આવી છે. અયોધ્યામાં જન્મભૂમિ માર્ગમાં પ્રવેશવા માટે ભક્તોએ બે થાંભલાવાળા સ્વાગત દ્વારમાંથી પસાર થવું પડશે. પરિસરમાં પ્રવેશતા પહેલા સુરક્ષા પોઈન્ટ પણ બનાવવામાં આવશે. આ ઉપરાંત જન્મભૂમિ માર્ગ પર ભક્તો માટે ખાસ કેનોપી પણ લગાવવામાં આવશે, જેનું મોડલ બહાર પાડવામાં આવ્યું છે. આ બધા સિવાય અયોધ્યાને કુદરતી આફતથી સુરક્ષિત રાખવા માટે અવધ યુનિવર્સિટીમાં ભૂકંપ રેડોન જિયો સ્ટેશન લગાવવામાં આવ્યું છે, જે ભૂકંપના 24 કલાક પહેલા એલર્ટ જારી કરશે.