દિલ્હી સહિત સમગ્ર ઉ.ભારત ગાત્રો થીજવી દે તેવી ઠંડીમાં ઠુઠવાયું, 6 રાજ્યોમાં રેડ એલર્ટ જાહેર

નવી દિલ્હી: દિલ્હી (Delhi)  સહિત સમગ્ર ઉત્તર ભારત (North India) માં કડકડતી ઠંડીનો પ્રકાપ ચાલુ છે. આજે સવારે પણ દિલ્હીવાળાઓને રેકોર્ડબ્રેક ઠંડીમાંથી  કોઈ રાહત મળી નથી. દિલ્હીના સફદરજંગમાં સવારે 6.10 વાગે 3.6 ડિગ્રી તાપમાન નોંધાયું. ધુમ્મસના કારણે અલાહાબાદ ડિવિઝનમાં 109 ટ્રેન લેટ છે. આ ઉપરાંત દિલ્હી સહિત 6 રાજ્યોમાં રેડ એલર્ટ જાહેર કરાયું છે. 

રવિવારે જોધપુરમાં તાપમાન 6.2 ડિગ્રી, જમ્મુમાં 7 ડિગ્રી, પટિયાલામાં 6 ડિગ્રી, ચંડીગઢમાં 4 ડિગ્રી, દહેરાદૂનમાં 4.8 ડિગ્રી, ગંગાનગરમાં 6.4 ડિગ્રી તાપમાન નોંધાયું હતું. અત્રે જણાવવાનું કે દિલ્હીમાં 1997 બાદથી ઠંડીએ 22 વર્ષનો રેકોર્ડ ભલે તોડ્યો હોય પરંતુ છેલ્લા 100 વર્ષમાં માત્ર ચારવાર  જ એવું બન્યું છે કે જ્યારે ડિસેમ્બરના મહિનામાં તાપમાન 20 ડિગ્રી કરતા નીચે ગયું હોય. 

સ્કાયમેટ વેધરના જણાવ્યાં મુજબ 1901થી 2018 સુધીમાં ફક્ત ચાર વાર 1919, 1929, 1961 અને 1997માં ડિસેમ્બર મહિનામાં તાપમાન સરેરાશ 20 ડિગ્રી કરતા ઓછું રહ્યું હતું. 26 ડિસેમ્બર 2019ના રોજ સરેરાશ મહત્તમ તાપમાન (એમએમટી) 19.85 ડિગ્રી સેલ્સિયસ રહ્યું. અને અંદાજિત મહત્તમ તાપમાન ડિસેમ્બર મહિના માટે 19.15 છે. જો આમ થાય તો 1997 બાદ 2019 સદીનો બીજો સૌથી ઠંડો ડિસેમ્બર રહેશે. 

આ VIDEO પણ ખાસ જુઓ...