Delhi: ફેક્ટરીમાં ભીષણ આગ, લાખોની સંપત્તિ અને 186 ઝૂપડાં બળીને ખાખ થયા

નવી દિલ્હી: રાજધાની દિલ્હી (Delhi) ના ઓખલા ફેઝ-2ના સંજય કોલોનીની એક ફેક્ટરીમાં મોડી રાતે આગ (Fire) ભભૂકી ઉઠી. જેમાં લાખોની સંપત્તિ સ્વાહા થઈ ગઈ. જ્યારે નજીકમા આવેલા 186 ઝૂપડા બળીને ખાખ થઈ ગયા. જો કે આ દુર્ઘટનામાં કોઈ પણ જાનહાનિના અહેવાલ નથી. પરંતુ આગે લાખોની સંપત્તિ અને ઘરો તબાહ કરી નાખ્યા. 

રાતે 2 વાગે લાગી આગ
કહેવાય છે કે રાતે લગભગ 2 વાગ્યાની આસપાસ આગ (Fire) લાગી હતી. ઘટના સમયે લોકો ઝૂપડાંમાં સૂઈ રહ્યા હતા. ત્યારે જ અચાનક ભડભડ ભડકા જોવા મળ્યા. ફેક્ટરીની આગની જ્વાળાઓ ગોદામથી ઝૂપડાં સુધી પહોંચી ગઈ. રાતે 2:23 વાગ્યે ફાયર બ્રિગેડને આ અંગે સૂચના મળી અને ત્યારબાદ ફાયરની 25 ગાડીઓ ઘટનાસ્થળે આગ બૂઝાવવા પહોંચી ગઈ. 

30-40 લોકોને બચાવાયા
ફાયર વિભાગના જણાવ્યાં મુજબ ભીષણ આગમાં ઝૂપડાંની અંદર ફસાયેલા લગભગ 40-50 લોકોને બચાવવામાં આવ્યા. જો કે એક વૃદ્ધ વ્યક્તિ હજુ લાપત્તા છે. જેમની શોધ ચાલુ છે. 

ફાયર વિભાગે આગ પર કાબૂ મેળવ્યો
ફાયર વિભાગના અધિકારીના જણાવ્યાં મુજબ દિલ્હી ફાયર સર્વિસને સવારે 2:23 વાગે દિલ્હીના ઓખલા ફેઝ-2ની સંજય કોલોનીમાં આગ લાગવાની સૂચના મળી હતી. હજુ સુધી કોઈ જાનહાનિના અહેવાલ નથી. આગ હાલ નિયંત્રણમાં છે અને આગ સંપૂર્ણ રીતે ઓલવવાની કોશિશ ચાલુ છે.