Excise scam માં ED ની મોટી કાર્યવાહી, મનીષ સિસોદિયાની કરોડોની સંપત્તિ જપ્ત

Excise scam New Update: રાજધાની દિલ્હીના પૂર્વ ડેપ્યુટી સીએમ મનીષ સિસોદિયા (Former Deputy CM Manish Sisodia) વિરુદ્ધ ઇડીએ મોટી કાર્યવાહી કરી છે. અહેવાલ છે કે EDએ એક્સાઇઝ પોલિસી કૌભાંડ (Excise Policy Scam) માં મનીષ સિસોદિયા અને અન્ય આરોપીઓની સંપત્તિ જપ્ત કરી છે. તમને જણાવી દઈએ કે આ મામલે આ પ્રકારનો આ બીજો આદેશ જાહેર કરવામાં આવ્યો છે. આ કેસમાં પ્રથમ આદેશ સ્થાવર/જંગમ મિલકતો જપ્ત કરવા માટે જાહેર કરવામાં આવ્યો હતો. આ મામલે 76.54 કરોડના વિજય નાયર, સમીર મહેન્દ્રુ, અમિત અરોરા, અરુણ પિલ્લઈ અને અન્યો પણ આ કેસમાં સંડોવાયેલા છે. તમને જણાવી દઈએ કે EDએ અત્યાર સુધી એક્સાઈઝ કૌભાંડમાં 12 લોકોની ધરપકડ કરી છે.

દિનેશ અરોરાની પણ થઇ ચૂકી છે ધરપકડ 
તમને જણાવી દઈએ કે એન્ફોર્સમેન્ટ ડિરેક્ટોરેટ (ED) એ દિલ્હીની હવે નાબૂદ કરવામાં આવેલી એક્સાઇઝ પોલિસીની રચના અને અમલીકરણમાં કથિત ભ્રષ્ટાચાર સાથે સંબંધિત મની લોન્ડરિંગ કેસમાં ગુરુવારે રાત્રે બિઝનેસમેન દિનેશ અરોરાની ધરપકડ કરી હતી. સૂત્રોનું માનીએ તો સીબીઆઈ પણ આ મામલે તપાસ કરી રહી છે અને અરોરાને તેના કેસમાં સરકારી સાક્ષી બનાવવામાં આવ્યા છે. લાંબી પૂછપરછ બાદ, અરોરાની પ્રિવેન્શન ઓફ મની લોન્ડરિંગ એક્ટ (Prevention of Money Laundering Act-PMLA) ની ફોજદારી કલમો હેઠળ ધરપકડ કરવામાં આવી હતી.

શું છે સમગ્ર મામલો?
ઈડી અને સીબીઆઈએ આરોપ લગાવ્યો છે કે 2021-22 માટે દિલ્હી સરકારની એક્સાઈઝ પોલિસીમાં કેટલાક દારૂના વેપારીઓની તરફેણ કરવામાં આવી હતી જેમણે કથિત રીતે તેના માટે લાંચ આપી હતી, પરંતુ દિલ્હીની સત્તારૂઢ આમ આદમી પાર્ટી હંમેશા આ આરોપોને નકારી રહી છે. તમને જણાવી દઈએ કે દિનેશ અરોરાના રૂપમાં ED દ્વારા આ 13મી ધરપકડ છે. મનીષ સિસોદિયા પર દિનેશ અરોરા મારફત આ કેસના અન્ય આરોપી બિઝનેસમેન અમિત અરોરા પાસેથી લાંચ લેવાનો આરોપ છે.

ED પહેલાથી જ દિનેશ અરોરાની પૂછપરછ કરી ચૂકી છે. સૂત્રોના જણાવ્યા અનુસાર, આ વખતે તે પ્રશ્નોના અસ્પષ્ટ જવાબો આપી રહ્યો હતો અને એજન્સીને સહકાર આપી રહ્યો ન હતો જેના પછી તેની ધરપકડ કરવામાં આવી હતી.