Special Marriage: લગ્નની અનોખી પરંપરા: છોકરીઓ બને છે દ્રોપદ્રી ! એક નહીં કરે છે 4-4 લગ્ન

Women Allowed Four Marriage: ભારતીય સમાજ તેની વિવિધતા માટે સમગ્ર વિશ્વમાં પ્રખ્યાત છે. આ ભારતીય સમાજમાં લગ્નને લઈને ઘણી પરંપરાઓ જોવા મળે છે. આજે અમે તમને એક એવી ન સાંભળેલી પરંપરાનો પરિચય કરાવવા જઈ રહ્યા છીએ જેને સાંભળીને તમે ચોંકી જશો. હિમાચલ પ્રદેશના સાંગલાથી 28 કિમી દૂર ચિત્કુલ નામનું એક ગામ છે જ્યાં મહિલાઓને સંપૂર્ણ સ્વતંત્રતા છે કે તેઓ 4 લગ્ન કરી શકે છે. આમાં નવાઈ પામવા જેવું કંઈ નથી કારણ કે આ પરંપરા વર્ષો જૂની છે અને આવી જ રીતે ચાલી રહી છે.

આ દેશનું છેલ્લું ગામ છે
સ્થાનિક લોકોના મતે, ચિત્કુલની ખાણી-પીણી, જીવનશૈલી, કપડાં અને સંસ્કૃતિ દેશના અન્ય ભાગો કરતા ઘણી અલગ છે. ચિત્કુલ તિબેટ અને ચીનની સરહદની ખૂબ નજીક છે. તેને દેશનું છેલ્લું ગામ પણ કહેવામાં આવે છે. દેશનું છેલ્લું બસ સ્ટેન્ડ, છેલ્લી પોસ્ટ ઓફિસ અને છેલ્લી શાળા પણ અહીં છે. અહીં મહિલાઓને 4 વખત લગ્ન કરવાની સંપૂર્ણ સ્વતંત્રતા આપવામાં આવી છે.

અહીં ઘણીવાર જોવા મળે છે કે મહિલાઓ બે-ચાર ભાઈઓ સાથે લગ્ન કરે છે. જો કે, તે જરૂરી નથી પરંતુ જો લગ્ન થાય છે તો સ્ત્રી તેના બધા પતિ સાથે એક જ ઘરમાં રહે છે. સ્થાનિક લોકોનું માનવું છે કે મહાભારત કાળમાં કુંતી અને દ્રૌપદી આ ગામમાં એક ગુફામાં રહેતા હતા. ગામના લોકોએ દ્રૌપદી અને કુંતી સાથે પણ સમય વિતાવ્યો, ત્યારબાદ તેઓએ 4 લગ્નની પરંપરા પણ અપનાવી, ત્યારથી આ પરંપરા ચાલુ છે.

ત્યાં કોઈ નથી ફરતું સાત ફેરા
જ્યારે પતિ તેની પત્ની સાથે રૂમમાં હોય છે, ત્યારે તે રૂમની બહાર દરવાજા પર તેની ટોપી છોડી દે છે. મતલબ કે પતિ-પત્ની એકાંતમાં રહેવા માંગે છે. આ કારણે બીજા પતિ તેમને  દખલ કરતા નથી. સૌથી નવાઈની વાત એ છે કે અહીં લગ્નમાં સાત ફેરા લેવામાં આવતા નથી, પરંતુ યજ્ઞ કરવામાં આવે છે. તમને જણાવી દઈએ કે લગ્ન બાદ દીકરીઓને પ્રોપર્ટીમાં કોઈ હિસ્સો આપવામાં આવતો નથી.