રાહુલ ગાંધીના જન્મ અને નાગરિકતા અંગે આ મહિલાએ કર્યો અત્યાર સુધીનો સૌથી મોટો દાવો

કોચ્ચિ (કેરળ): રાહુલ ગાંધીના જન્મના સાક્ષી રહી ચૂકેલા સેવા નિવૃત્ત નર્સ અને વાયનાડના મતદાતા રાજમ્મા વાવથિલ ભારપૂર્વક કહે છે કે કોઈએ પણ કોંગ્રેસ પ્રમુખ રાહુલ ગાંધીની નાગરિકતા પર સવાલ ઉઠાવવા જોઈએ નહીં. કારણ કે દિલ્હીની હોલી  ફેમિલી હોસ્પિટલમાં 19 જૂન 1970ના રોજ જ્યારે રાહુલ ગાંધીનો જન્મ થયો ત્યારે જે લોકો ત્યાં હાજર હતાં તેમાં તેઓ પોતે પણ તે વખતે સામેલ હતાં. તે સમયે તેઓ ડ્યૂટી પર હતાં. 

72 વર્ષના રાજમ્મા તે વખતે નર્સ તરીકે તાલિમ લઈ રહ્યાં હતાં. તેમણે કહ્યું કે તે એ લોકોમાં સામેલ રહ્યાં હતાં જેમણે નાનકડા રાહુલને પહેલીવાર હાથમાં લીધો હતો. 

વાયનાડથી વાવથિલે જણાવ્યું કે, "હું ખુશનસીબ હતી કારણ કે નવજાત રાહુલને પોતાની ગોદમાં લેનારા લોકોમાં હું પહેલી હતી. હું તેમના જન્મની સાક્ષી રહી છું. હું ખુબ જ ઉત્સાહિત હતી. ઈન્દિરા ગાંધીના પૌત્રને જોઈને અમે બધા ખુબ જ ઉત્સાહિત હતાં."

49 વર્ષ બાદ આજે તે 'વ્હાલો બાળક' કોંગ્રેસ અધ્યક્ષ છે અને વાયનાડથી ચૂંટણી લડી રહ્યો છે. વાવથિલ હવે પોતાને એક 'ગૃહિણી' ગણાવે છે. તેમનું કહેવું છે કે તેમને આનાથી વધુ ખુશી મળી શકે નહતી. તેમને આજે પણ તે દિવસો બરાબર યાદ છે.  વાવથિલે તે દિવસો યાદ કર્યા હતાં કે કેવી રીતે સોનિયા ગાંધીને પ્રસુતિ માટે લઈ જવાઈ રહ્યાં હતાં અને ત્યારે રાહુલ ગાંધીના પિતા રાજીવ ગાંધી અને કાકા સંજય ગાંધી હોસ્પિટલના પ્રસુતિ કક્ષની બહાર રાહ જોઈ રહ્યાં હતાં. આ ઘટના તે હંમેશા તેના પરિવારને જણાવે છે. 

જુઓ LIVE TV