Corona Update: દેશમાં કોરોનાની સુનામી, એક જ દિવસમાં 3.49 લાખથી વધુ કેસ

નવી દિલ્હી: દેશમાં કોરોના (Corona Virus) ની લહેર નહીં પરંતુ સુનામી જોવા મળી રહી છે. દૈનિક કેસના આંકડામાં તો ભારતે હવે અમેરિકાને પણ પાછળ હડસેલી દીધુ છે. હાલાત પર કાબૂ મેળવવા માટે અનેક રાજ્યોમાં લોડાઉન અને નાઈટ કર્ફ્યૂ ચાલુ છે. કેન્દ્રીય આરોગ્ય મંત્રાલયે આજે જાહેર કરેલા આંકડા મુજબ છેલ્લા 24 કલાકમાં દેશભરમાં કોરોનાના નવા 3.49 લાખથી વધુ કેસ નોંધાયા છે. 

એક જ દિવસમાં નવા 3.49 લાખથી વધુ કેસ
કેન્દ્રીય આરોગ્ય મંત્રાલયે આજે જાહેર કરેલા આંકડા મુજબ છેલ્લા 24 કલાકમાં દેશભરમાં કોરોનાના નવા 3,49,691 કેસ નોંધાયા છે. આ સાથે કુલ કેસનો આંકડો 1,69,60,172 પર પહોંચ્યો છે. જેમાંથી 1,40,85,110 દર્દીઓ રિકવર થયા છે જ્યારે 26,82,751 દર્દીઓ હજુ પણ સારવાર હેઠળ છે. એક જ દિવસમાં કોરોનાથી 2767 દર્દીઓના મોત થયા છે. કોરોનાથી કુલ મૃત્યુનો આંકડો 1,92,311 પર પહોંચ્યો છે. રસીકરણ અભિયાન હેઠળ દેશભરમાં અત્યાર સુધીમાં 14,09,16,417 લોકોને રસી આપવામાં આવી છે.