દેશમાં કોરોનાએ મચાવ્યો હાહાકાર, છેલ્લા 24 કલાકમાં રેકોર્ડબ્રેક 45 હજારથી વધુ દર્દીઓ, કુલ કેસ 12 લાખને પાર

નવી દિલ્હી: ભારતમાં કોરોના (Corona Virus) નો પ્રકોપ દિન પ્રતિદિન વધી રહ્યો છે. કેન્દ્રીય સ્વાસ્થ્ય મંત્રાલયના આંકડા મુજબ છેલ્લા 24 કલાકમાં અત્યાર સુધીના સૌથી વધુ 45,720 નવા દર્દીઓ નોંધાયા છે. જ્યારે એક જ દિવસમાં કોરોનાએ 1,129 લોકોનો ભોગ લીધો છે. આ સાથે જ દેશમાં કોરોનાના કુલ કેસનો આંકડો 12,38,635 થઈ ગયો છે. જેમાંથી 4,26,167 એક્ટિવ કેસ અને 7,82,606 લોકો ડિસ્ચાર્જ થયા છે. કોવિડ 19ના કારણે દેશમાં અત્યાર સુધીમાં 29,861 લોકોના મૃત્યુ થયા છે. 

આ બાજુ ICMR દ્વારા બહાર પાડવામાં આવેલા આંકડા મુજબ બુધવારે ભારતમાં કોરોનાના 3,50,823 ટેસ્ટ કરવામાં આવ્યાં. આ સાથે જ દેશમાં કોરોનાના ટેસ્ટિંગનો આંકડો 1,50,75,369 પર પહોંચ્યો છે. ભારતમાં હાલ કોરોનાના 4,26,167 એક્ટિવ કેસ છે.