ફ્રાન્સના રાફેલ કરતાં પણ ભારતનું રાફેલ વધુ ખતરનાક છે, જાણો કેવી રીતે?

નવી દિલ્હીઃ ભારતને રાફેલ(Rafael) યુદ્ધ વિમાન(Fighter Plane) મળી ચૂક્યું છે. દેશના સંરક્ષણ મંત્રી રાજનાથ સિંહે(Rajnath Sinh) ફ્રાન્સમાં વિજયાદશમીના પ્રસંગે રાફેલની ઔપચારિક ડિલિવરી લીધી છે. જોકે, મીડિયામાં આજે એક જ વાતની ચર્ચા છે કે, રાફેલ વિમાન મળી ગયા પછી ભારતની વાયુશક્તીમાં વધારો થશે અને દુશ્મન દેશના હોશ ઉડી જશે. ફ્રાન્સ દ્વારા ભારતને જે રાફેલ વિમાન આપવામાં આવ્યું છે તે ફ્રાન્સની વાયુસેનામાં રહેલા રાફેલ વિમાન કરતાં પણ વધુ શક્તિશાળી છે. 

ભારત માટે જે રાફેલ વિમાન તૈયાર કરાયું છે તેમાં મીટિઅર અને સ્કાલ્પ મિસાઈલથી સજ્જ કરવામાં આવ્યું છે. જેના કારણે તે અત્યંત ખતરનાક થઈ ગયું છે. આ બંને મિસાઈલથી સજ્જ રાફેલ વિમાન ભારત માટે ગેમચેન્જર સાબિત થશે. 

ભારતને મળનારા રાફેલ જેટમાં હશે આ 6 ફેરફાર
1. ઈઝરાયેલી હેલમેટ માઉન્ટેડ ડિસ્પલે
2. રડાર વોર્નિંગ રિસિવર્સ
3. લો બેન્ડ જેમર્સ
4. 10 કલાકનો ફ્લાઈટ ડેટા રેકોર્ડિંગ સિસ્ટમ
5. ઈન્ફ્રા રેડ સર્ચ
6. ટ્રેકિંગ સિસ્ટમ

રાફેલ વિમાનની વિશેષતાઓ
1.  રાફેલ એક એવું ફાઈટર વિમાન છે જેને દરેક પ્રકારના મિશન પર મોકલી શકાય છે. ભારતીય વાયુસેનાની તેના પર ઘણા સમયથી નજર હતી. 
2. તે એક મિનિટમાં 60 હજાર ફૂટની ઉંચાઈ પર જઈ શકે છે. તેની ફ્યુલ કેપેસિટી 17 હજાર  કિગ્રા છે. 
3. રાફેલ જેટ દરેક ઋતુમાં એક સાથે અનેક કામ કરવામાં સક્ષમ છે, આથી તેને મલ્ટિરોલ ફાઈટર એરક્રાફ્ટના નામથી પણ ઓળખાય છે. 
4. તેમાં સ્કાલ્પ મિસાઈલ થે જે હવામાંથી જમીન પર વાર કરવામાં સક્ષમ છે. 
5. રાફેલની મારક ક્ષમતા 3700 કિમી સુધી છે જ્યારે સ્કાલ્પની રેન્જ 300 કિમી છે. 
6. વિમાનમાં ફ્યુલ ક્ષમતા 17000કિગ્રા છે. 
7. તે એન્ટી શિપ એટેકથી લઈને પરમાણુ એટેક, ક્લોઝ એર સપોર્ટ અને લેઝર ડાઈરેક્ટ લોન્ગ રેન્જ મિસાઈલ એટેકમાં પણ અવ્વલ છે. 
8. તે 24500 કિગ્રા સુધીનું વજન લઈ જવા માટે સક્ષમ છે અને 60 કલાકની વધારાની ઉડાણ ભરી શકે છે. 
9. તેની સ્પીડ 2223 કિમી પ્રતિ કલાક છે. 

જુઓ LIVE TV....