J&K: ઓપરેશન `ઓલ આઉટ`, સુરક્ષાદળોએ પુલવામાના અવંતીપોરામાં 6 આતંકીઓને ઠાર કર્યાં

નવી દિલ્હી: જમ્મુ અને કાશ્મીરમાં આતંકીઓના ખાત્મા માટે ઓપરેશન ચાલી રહ્યું છે. આ ઓપરેશન ઓલઆઉટમાં પુલવામાં જિલ્લામાં સેના અને સુરક્ષાદળોને મોટી સફળતા મળી છે. સેના અને સુરક્ષાદળોએ પુલવામાના અવંતીપોરામાં 6 આતંકીઓને ઠાર કર્યા છે. 

સુરક્ષાદળોને મધરાતે સૂચના મળી હતી કે અવંતીપોરાના આરમપુરા વિસ્તારમાં 2-3 આતંકીઓ છૂપાયેલા છે. પરંતુ સર્ચ ઓપરેશન દરમિયાન થયેલા ફાયરિંગમાં ત્યાં 3થી વધુ આતંકીઓ છૂપાયેલા હોવાનું જાણવા મળ્યું. આ એન્કાઉન્ટરમાં 6 આતંકીઓનો ખાતમો કરાયો. માર્યા ગયેલા આતંકીઓના મૃતદેહો માટે સર્ચ ઓપરેશન ચલાવવામાં આવ્યું હતું જે હવે પૂરું થઈ ગયું છે.