જમ્મૂ કાશ્મીર: સુરક્ષાબળોએ 2 આતંકવાદીઓને ચારેતરફથી ઘેરી લીધા, બંધ કરવામાં આવી મોઇબાઇલ અને ઇન્ટરનેટ સેવા

શ્રીનગર: દેશમાં ચાલી રહેલા લોકડાઉન વચ્ચે જમ્મૂ કાશ્મીરમાં સુરક્ષાબળો અને આતંકવાદીઓ વચ્ચે મુઠભેડ શરૂ થઇ ગઇ છે. આ મુઠભેડ શ્રીનગરના કાનીમઝાર નાવાકદાળ એરિયામાં થઇ રહી છે. 

જમ્મૂ કાશ્મીર પોલીસ અને સેંટ્રલ રિઝર્વ પોલીસ ફોર્સ ઘટનાસ્થળે હાજર છે. આ જાણકારી કાશ્મીર ઝોનની પોલીસે આપી છે. રિપોર્ટ્સ અનુસાર સર્ચ ઓપરેશન દરમિયાન આતંકવાદી સંતાયેલા હોવાના સમાચાર મળ્યા છે. 

આતંકવાદીઓએ સુરક્ષાબળો પર ફાયરિંગ કર્યું ત્યારબાદ ભારતીય સેના આતંકવાદીઓને જડબાતોડ જવાબ આપી રહી છે. એક સીનિયર પોલીસ અધિકારીએ જણાવ્યું હતું કે ફાયરિંગ થયું છે અને સૂત્રોના જણાવ્યા અનુસાર 1 થી 2 આતંકવાદી છુપાયેલા હોવાની સંભાવના છે. 

આતંકવાદીએ સુરક્ષાબળો પર ફાયરિંગ કર્યું ત્યારબાદ ભારતીય સેના આતંકવાદીઓને જડબાતોડ જવાબ આપી રહી છે. મળતી માહિતી અનુસાર 2 આતંકવાદીઓને સુરક્ષાબળોએ ચારે તરફથી ઘેરી લીધા છે અને વિસ્તારમાં મોબાઇલ અને ઇન્ટરનેટ સર્વિસ બંધ કરી દેવામાં આવી છે.