જમ્મુ કાશ્મીરના બદલાયેલા સંજોગો વચ્ચે આ યુવતિએ પ્રાપ્ત કર્યું મોટું લક્ષ્ય

રાજૌરી: જમ્મુ કાશ્મીરના રાજૌરી જિલ્લાની એક દીકરીએ ઇતિહાસ રચ્યો છે. જિલ્લાના ધનોર ગામની ઇરમિમ શમીમે અખિલ ભારતીય આયુર્વિજ્ઞાન સંસ્થા (AIIMS)ની પ્રવેશ પરીક્ષા પાસ કરી ઐતિહાસિક લક્ષ્ય પ્રાપ્ત કર્યુ છે. જણાવવામાં આવી રહ્યું છે કે, એમ્સમાં એડમિશન લેનારા આ પહેલી ગુર્જર મહિલા છે. સરહદ જિલ્લાનું ધનોર ગામની રહેવાસી શમીમે બધી વિપરીત પરિસ્થિતિઓને હરાવી પ્રીમિયર ઈન્સ્ટીટ્યૂટમાં પ્રેવશ કરવા માટે સખત મહેનત કરી હતી.

આ પણ વાંચો:- Live: ચિદમ્બરમની અરજી SCમાં લિસ્ટિંગ નથી, જસ્ટિસ ભાનુમતિએ કહ્યું- CJIના આદેશથી લિસ્ટ થશે

તેને સ્કૂલ જવા માટે દરરોજ 10 કિલોમીટર ચાલીને જવુ પડતું હતું. કેમકે ગામની નજીક કોઇ સારી સ્કૂલ નથી. પછાત સમુદાયથી સંબંધ ધરાવનાર અને આર્થિક સંકટ સાથે સંઘર્ષ કરતી શમીમે તેના માર્ગમાં આવનારા તમામ પડકારોનો સામનો કર્યો છે.

સમાચાર એજન્સી એએનઆઇ સાથે વાત કરતા શમીમના કાકા લિયાકત ચૌધરીએ તેની સફળતા પર ખુશી વ્યક્ત કરી અને કહ્યું કે, છોકરીઓ પ્રદેશની આશા છે. તેમણે કહ્યું કે, જમ્મુ અને કાશ્મીરની છોકરીઓએ રાષ્ટ્રીય અને આંતરરાષ્ટ્રીય સ્તર પર જીવનના દરેક ક્ષેત્રમાં તેમની પ્રતિભા દેખાડી છે.