અલૌકિક રહસ્ય...`પાંડવકાળ`ના આ મંદિરમાં મડદામાં પણ પ્રાણ ફૂંકાય છે!

દહેરાદૂન: અલૌકિક રહસ્યોથી ભરેલા એક શિવ મંદિર જે ઉત્તરાખંડની રાજધાની દહેરાદૂનથી લગભગ 125 કિમીના અંતરે આવેલું છે. ઊંચા ઊંચા પહાડી રસ્તાઓ પસાર કરીને મંદિર સુધી પહોંચવું પડે છે. સેંકડો વર્ષ જૂનું આ મંદિર પોતાની અંદર અનેક રહસ્યોને છૂપાવી બેઠું છે. અહીં જમીનમાં ચારેબાજુ શિવલિંગ જોવા મળે છે. 

જોવામાં સામાન્ય લાગતા અહીંના શિવલિંગ સાથે અનેક પૌરાણિક માન્યતાઓ જોડાયેલી છે. પુરાતત્વ વિભાગનું માનીએ તો આ શિવલિંગ છઠ્ઠી શતાબ્દીની આજુબાજુનું એટલે કે લગભગ 1400 વર્ષ જૂના છે. પરંતુ ધર્મ અને આસ્થાનો તર્ક છે કે આ મંદિરમાં હાજર શિવલિંગ લગભગ 5 હજાર વર્ષ કરતા પણ જૂનું છે. એટલે કે મહાભારતકાળનું. 

પુરાતત્વ વિભાગે ખોદકામ કરીને આ શિવલિંગોને જમીનમાંથી બહાર કાઢ્યા. માન્યતા છે કે આ શિવલિંગ અને આ મંદિર જીવન અને મોત વચ્ચેનો એક એવો દરવાજો છે જે સદીઓથી ભક્તો માટે  ખુલ્લો છે. અહીં આવવાની કોઈને પણ મનાઈ નથી પરંતુ અહીં મૃતદેહ લાવવામાં આવે તો અલૌકિક ચમત્કાર થાય છે. માન્યતા છે કે અહીં અતૃપ્ત આત્માઓને શરીરમાં પાછા લાવીને તેમની અતૃપ્ત ઈચ્છાઓ ખતમ કરી તેમને શરીરમાંથી પાછા મોકલી દેવાય છે. 

મૌત-જીવન-મૌતનું અલૌકિક રહસ્ય
કહેવાય છે કે મંદિરમાં જે મૃતદેહને લાવવામાં આવે છે તેની અંદર ફરીથી આત્માનો પ્રવેશ કરાવવામાં આવે છે. તેની અતૃપ્ત ઈચ્છાઓ પૂરી કરવામાં આવે છે અને તેને ગંગાજળ પીવડાવીને તૃપ્ત કરાય છે. ત્યારબાદ આત્મા શરીરને છોડીને શિવલોક તરફ પ્રયાણ કરે છે. તેનો અર્થ એ છે કે જે પણ મૃતદેહને અહીં લાવવામાં આવે છે તેનો આત્મા ભટકતો નથી અને તેને મુક્તિ મળી જાય છે. 

મુક્તિ અને મોક્ષનું આ રહસ્ય અલૌકિક છે. તેમાં પણ અલૌકિક છે શિવનો મહિમા. લાક્ષેશ્વર મંદિરમાં બનેલા શિવલિંગ ગ્રેફાઈટના છે. જેમાં ભક્ત જળાભિષેક દરિયાન પોતાનો ચહેરો સ્પષ્ટપણે જોઈ શકે છે. એક માન્યતા એ પણ છે કે ધરતીના જન્મથી જ આ શિવલિંગ લાખામંડલમાં સ્થાપિત છે. સૌથી ચૌંકાવનારી વાત એ છે કે અહીં રહેલા દરેક શિવલિંગનો રંગ એકબીજાથી અલગ છે. તેમાં પણ રહસ્યમય વાત એ છે કે હજારો વર્ષ જમીન નીચે દબાયેલા આ શિવલિંગો પર કોઈ ઘસરકો પડ્યો નથી. છે ને કાળના પણ મહાકાળનું અલૌકિક રહસ્ય...