Sachin Vaze: મુંબઈના પોલીસ કમિશનર બાદ હવે મહારાષ્ટ્રના ગૃહમંત્રીનો વારો? મનસુખ હિરેનના મોત પર ચોંકાવનારો ખુલાસો

નવી દિલ્હી: મુંબઈ પોલીસ અધિકારી સચિન વઝે કેસમાં મહારાષ્ટ્રના ગૃહમંત્રી અનિલ દેશમુખે દિલ્હીમાં એનસીપીના પ્રમુખ શરદ પવાર સાથે મુલાકાત કરી. વાતચીત બાદ અનિલ દેશમુખે મનસુખ હિરેન મામલે મોટો ખુલાસો કર્યો છે. તેમણે સ્વીકાર્યું કે મનસુખ હિરેનની હત્યા થઈ હતી. આ સાથે જ તેમણે કહ્યું કે દોષિતોને છોડવામાં નહીં આવે અને કડક કાર્યવાહી કરાશે. 

રાજ્ય સરકાર કરી રહી છે તપાસમાં સહયોગ-અનિલ દેશમુખ
અનિલ દેશમુખે કહ્યું કે 'એન્ટિલિયા પાસે મળી આવેલી વિસ્ફોટકો ભરેલી કાર અને મનસુખ હિરેન હત્યા કેસમાં NIA અને ATS ઊંડાણપૂર્વક તપાસ કરી રહી છે. રાજ્ય સરકાર તપાસમાં NIA ને સહયોગ કરી રહી છે. મુંબઈમાં ઘટેલા ઘટનાક્રમ અંગે પણ પવાર સાહેબને જાણકારી આપી.'