રાજસ્થાનને મળી એવી મદદ જે એને બનાવી દેશે સ્વર્ગ

નવી દિલ્હી : ભારતે રાજસ્થાન વિદ્યુત વિતરણ ક્ષેત્રમાં પ્રદર્શન સુધારવા માટે 25 કરોડ ડોલરની એક ડેવલપમેન્ટ પોલીસી લોન (ડીપીએલ) પર સાઇન કર્યા છે. આ કોન્ટ્રાક્ટ કેન્દ્ર સરકાર, રાજસ્થાન સરકાર અને વિશ્વ બેંક વચ્ચે થયો છે. હકીકતમાં રાજસ્થાનમાં વીજળી વિતરણ સેક્ટરના વ્યાપક કાયાપલટ માટે ડિઝાઇન કરવામાં આવેલા બે તબક્કામાંથી બીજા તબક્કા માટે આ લોન મળી છે. પહેલા તબક્કાની લોન ગયા વર્ષે માર્ચ મહિનામાં મળી હતી.

વિદ્યુત વિતરણ કંપનીઓ (ડિસ્કોમ) રાજસ્થાનમાં લગભગ 95 લાખ વપરાશકારોને વીજળી ઉપલબ્ધ કરાવે છે. આ કાર્યક્રમ અંતર્ગત રાજ્યમાં વિતરણ સેક્ટરને મજબૂત બનાવવાનું, ઉર્જા ખરીદીના ખર્ચને ઘટાડવાનું તેમજ સંચાલન પ્રદર્શનને સુધારવાનું પ્લાનિંગ કરવામાં આવ્યું છે. 

આ પ્લાનિંગમાં ડિસ્કોમની લોનનું મેનેજમેન્ટ કરવાનું તેમજ આ ક્ષેત્રમાં નાણાંકીય પુન:ગઠન અને રિકવરીને સુધારવાનું પણ શામેલ છે. આર્થિક મામલાના સંયુક્ત સચિવ સમીર કુમાર ખરેએ જણાવ્યું છે કે આ કાર્યક્રમ રાજ્યને રાજકોષીય સ્થિરતા આપશે. આ લોનની વપરાશની અવધિ ત્રણ વર્ષ અને ચૂકવવાનો સમયગાળો 21 વર્ષ છે.