NEET, JEE Main 2020: મુલતવી રાખી પરીક્ષાઓ, HRD મંત્રાલયે નવી તારીખો કરી જાહેર

નવી દિલ્હી: કોરોનાના વધતા કેસોને લઇ જેઇઇ મેન (JEE main) અને નીટ (NEET 2020) પ્રવેશ પરીક્ષાને મુલતવી રાખી છે. આ વાતની જાણકારી કેન્દ્રીય માનવ સંસાધન વિકાસ મંત્રી રમેશ પોખરિયાલે એક ટ્વીટ દ્વારા આપી હતી. જુલાઈમાં આયોજિત થનારી પરીક્ષાઓ હવે સપ્ટેમ્બરમાં લેવામાં આવશે.

આ પણ વાંચો:- દેશમાં રિકવરી રેટ 60 ટકાથી વધારે, છેલ્લા 24 કલાકમાં સાજા થયા 20 હજારથી વધુ કોરોના દર્દી

પ્રાપ્ત જાણકારી અનુસાર, જેઇઇ મેનની પરીક્ષા 1થી 6 સપ્ટેમ્બરની વચ્ચે યોજાવાની હતી. જેઇઇ એડવાન્સની પરીક્ષા 27 સપ્ટેમ્બરના અને નીટ પરીક્ષા 13 સપ્ટેમ્બરના આયોજિત કરવામાં આવશે. માનવ સંસાધન વિકાસ મંત્રી રમેશ પોખરિયાલ નિશંકે પરીક્ષાઓને મુલતવી રાખવાનો નિર્ણય વિદ્યાર્થીઓની સુરક્ષાને ધ્યાનમાં રાખી લીધો છે.

આ પણ વાંચો:- દિલ્હી NCRમાં ફરી અનુભવાયા ભૂકંપના આંચકા, રિક્ટર સ્કેલ પર 4.7ની તીવ્રતા

માનવ સંસાધન વિકાસ મંત્રી રમેશ પોખરિયાલ નિશંકે ગુરુવારના કહ્યું હતું કે, જેઇઇ અને નીટ પરીક્ષાઓમાં બેસનાર વિધ્યાર્થી અને ઉમેદવારોથી હાલની પરિસ્થિતિ અને અનુરોધને જોતા, ડીજી એનટીએ અને અન્ય વિશેષજ્ઞોની એક સમિતિ બનાવવામાં આવી છે. જેમને સ્થિતિની સમીક્ષા કરી માનવ સંસાધન વિકાસ મંત્રાલયને તેમની ભલામણો રજૂ કરવામાં કહેવામાં આવ્યું હતું.

આ પણ વાંચો:- ચીનને જવાબ આપવા માટે ભારતીય સેનાએ લદ્દાખમાં વધારી શક્તિ, 4 ડિવીઝન આર્મી તૈનાત

તમને જણાવી દઇએ કે, NEET 2020 પરીક્ષા 26 જુલાઇ અને JEE મેન પરીક્ષાનું આયોજન 18થી 23 જુલાઇએ થવાનું છે. જો કે, દેશમાં કોરોનાના વધતા કેસને જોતા વિદ્યાર્થીઓ અને ઉમેદવારો સતત પરીક્ષા મુલતવી રાખવાની માગ કરી રહ્યાં હતા.