Biotech Start-up Expo: ભારત બાયોટેકના ક્ષેત્રમાં અવસરોની ભૂમિ ગણાય છે - PM મોદી

Biotech Start-up Expo: પ્રધાનમંત્રી નરેન્દ્ર મોદીએ આજે બાયોટેક સ્ટાર્ટઅપ એક્સપોનું ઉદ્ધાટન કર્યું. કેન્દ્રીય મંત્રીઓ ડો. જિતેન્દ્ર સિંહ, પિયુષ ગોયલ અને ધર્મેન્દ્ર પ્રધાન પણ હાજર રહ્યા. આ દરમિયાન પોતાના સંબોધનમાં પીએમ મોદીએ કહ્યું કે બાયોટેક સ્ટાર્ટઅપ એક્સપો ભારતના બાયોટેક સેક્ટરના ગ્રોથનું પ્રતિબિંબ છે. છેલ્લા 8 વર્ષમાં ભારતની બાયો ઈકોનોમી 8 ગણી વધી છે. 10 અબજ ડોલરથી 80 અબજ ડોલર સુધી આપણે પહોંચી ગયા છીએ. 

બાયોટેકના ક્ષેત્રમાં ભારત અવસરોની ભૂમિ...પીએમએ જણાવ્યાં 5 કારણ
પીએમ મોદીએ કહ્યું કે દુનિયામાં આપણા આઈટી પ્રોફેશનલની સ્કિલ અને ઈનોવેશનને લઈને ટ્રસ્ટ નવી ઊંચાઈ પર છે. આ જ ટ્રસ્ટ, રેપ્યુટેશન આ દાયકામાં ભારતના બાયોટેક સેક્ટર, બાયો પ્રોફેશનલ માટે થતો આપણે જોઈ રહ્યા છીએ. તેમણે કહ્યું કે ભારત બાયોટેકના ક્ષેત્રમાં અવસરોની ભૂમિ ગણાય છે તો તેના પાંચ મોટા કારણ છે. પહેલું કારણ  Diverse Population, Diverse Climatic Zones, બીજુ કારણ ભારતનું ટેલન્ટેડ Human Capital Pool, ત્રીજુ કારણ  ભારતમાં Ease of Doing Business માટે વધી રહેલા પ્રયત્નો, ચોથું કારણ સતત વધી રહેલી બાયો પ્રોડક્ટ્સની ડિમાન્ડ અને પાંચમુ કારણ છે ભારતના બાયોટેક સેક્ટર એટલે કે તમારી સફળતાનો ટ્રેક રેકોર્ડ.