રાહુલ ગાંધીએ યોગની સાથે સાથે સેનાનો પણ ઉડાવ્યો મજાક, ટ્વીટર પર લોકો ધુંવાપુંવા

નવી દિલ્હી : કોંગ્રેસ અધ્યક્ષ રાહુલ ગાંધીએ આંતરરાષ્ટ્રીય યોગ દિવસ પ્રસંગે એક તસ્વીર શેર કરીને વિવાદોમાં ફસાઇ ગયા છે. તેમણે શુક્રવારે આંતરરાષ્ટ્રીય યોગ દિવસ પ્રસંગે સેનાનાં ડોગ યુનિટનાં યોગ કાર્યક્રમની એક તસ્વીર શેર કરતા સરકાર પર વ્યંગ કરતા કહ્યું કે, ન્યૂ ઇન્ડિયા છે. જો કે તેમની આ તસ્વીરનાં શેર કરતાની સાથે જ લોકો ભડકી ગયા હતા અને તેને ટ્રોલ કરવાનું ચાલુ કરી દીધું હતું. રાહુલે ભાજપ પર અને સરકાર પર વ્યંગ કરવામાં સેના અને યોગ દિવસનો મજાક ઉડાવ્યો જે લોકોને પસંદ આવ્યું નહોતું. 

ગાંધીએ ટ્વીટર પર ડોગ યુનિટના એક કાર્યક્રમની તસ્વીર શેર કરી અને લખ્યું કે, ન્યૂ ઇન્ડિયા. તેમણે જે તસ્વીર શેર કરી છે તેમાં ડોગ યુનિટનાં જવાનો અને સ્નીફર ડોગ યોગાનની મુદ્રામાં જોવા મળે છે. ઉલ્લેખનીય છે કે, 21 જુને આંતરરાષ્ટ્રીય યોગ દિવસ પ્રસંગે વડાપ્રધારે રાંચ અને અનેક મંત્રીઓએ અલગ અલગ સ્થલો પર યોગ કાર્યક્રમમાં ભાગ લીધો. રાહુલ ગાંધીએ આ ટ્વીટનાં જવાબમાં લોકોએ તેને જ ટ્રોલ કરવાનું ચાલુ કરી દીધું હતું. 

રામ માધવે રાહુલ ગાંધી પર કર્યો વ્યંગ
ભાજપના મહાસચિવ રામ માધવે શુક્રવા કહ્યું કે, સંસદમાં બાળકો પણ છે અને યોગ તેમની બાળસહજ મનોવૃતીને પહોંચી વળવા માટે સહાયભુત થઇ શકે છે. તેમનો ઇશારો કોંગ્રેસ અધ્યક્ષ રાહુલ ગાંધીનાં ગુરૂવારનાં રાષ્ટ્રપતિના ભાષણ સમયે મોબાઇલ ફોનનો ઉપયોગ કરવાની હરકત પર હતો. માધવે ગાંધી પર નિશાન સાધતા આ ટિપ્પણી ભાજપ દ્વારા આયોજીત આંતરરાષ્ટ્રીય યોગ દિવસ સમારંભનું ઉદ્ધાટન કરતા કરી હતી.