રાજનાથ સિંહ બોલ્યા- રાજ્યસભામાં કૃષિ બિલ પર ચર્ચા દરમિયાન જે થયું તે દુખદ અને શરમજનક

નવી દિલ્હીઃ કૃષિ સાથે જોડાયેલા બે બિલને ધ્વનિ મતથી રાજ્યસભામાં પાસ કરાવી લેવામાં આવ્યા છે. પ્રધાનમંત્રી નરેન્દ્ર મોદી તેને કૃષી ઈતિહાસમાં મોટો દિવસ ગણાવી ચુક્યા છે. તો હવે કૃષિ બિલને લઈને કેન્દ્ર સરકારના છ મંત્રીઓએ પત્રકાર પરિષદ યોજી હતી. જેમાં રાજનાથ સિંહ, પ્રકાશ જાવડેકર, પ્રહલાદ જોશી, પીયૂષ ગોયલ, થાવર ચંદ ગેહલોત અને મુખ્તાર અબ્બાસ નકવીએ કૃષિ બિલને લઈને સરકારનો પક્ષ રાખ્યો હતો. 

આ દરમિયાન રક્ષામંત્રી રાજનાથ સિંહે કહ્યુ કે, બંન્ને બિલ ઐતિહાસિક છે. માત્ર ભ્રામક તથ્યોના આધાર પર કિસાનોને ગેરમાર્ગે દોરવાનો પ્રયાસ કરવામાં આવી રહ્યો છે. આ બિલથી કિસાનોની આવક વધશે. કિસાનોની આવક બમણી કરતા તરફ આ મોટુ પગલું છે.