Chakka Jam દરમિયાન ઝંડા પર જોવા મળી આતંકી ભિંડરાવાલાની તસવીર, ટિકૈતે કરવી પડી સ્પષ્ટતા

નવી દિલ્હીઃ ભારતીય કિસાન યુનિયન (BKU) ના રાષ્ટ્રીય પ્રવક્તા રાકેશ ટિકૈત (Rakesh Tikait) એ ચક્કાજામ દરમિયાન લુધિયાણામાં જોવા મળેલા 'ભિંડરાવાળાના ઝંડા' વાળી ઘટના પર સ્પષ્ટતા આપી છે. તેમણે કહ્યું કે, આ મુદ્દા પર કિસાનો સાથે વાત કરવામાં આવશે. જો આમ થયું તો ખોટુ છે. જે વસ્તુ પ્રતિબંધિત છે તે ન લાગવી જોઈએ. 

લુધિયાણાથી આવેલી તસવીરે બધાને ચોંકાવ્યા
ઉલ્લેખનીય છે કે કેન્દ્ર સરકારના ત્રણ કૃષિ કાયદા (Farm laws) ના વિરોધમાં પોતાના આંદોલનને વધુ ઉગ્ર કરતા આજે સંયુક્ત કિસાન યુનિયને દિલ્હી, ઉત્તર પ્રદેશ અને ઉત્તરાખંડને છોડીને તમામ રાજ્યોમાં ચક્કાજામ કરવાની જાહેરાત કરી હતી. આ દરમિયાન પંજાબના લુધિયાણા શહેરમાં જે તસવીર સામે આવી, તેનાથી બધા ચોંકી ગયા છે. અહીં એક ટ્રેક્ટર પર લાગેલા ઝંડામાં જરનૈલ સિંહ ભિંડરાવાલે (Jarnail Singh Bhindranwale) ની તસવીર છપાયેલી હતી. ત્યારબાદ શાંતિથી સમાપ્ત થયેલ ચક્કાજામ ચર્ચામાં આવી ગયું હતું.