`દીકરી, હું તારી વાત સાંભળીશ, નીચે ઉતર`, પીએમ મોદીની રેલીમાં છોકરી પોલ પર ચડી

હૈદરાબાદઃ તેલંગણામાં યોજાનાર વિધાનસભા ચૂંટણીના પ્રચાર માટે પ્રધાનમંત્રી નરેન્દ્ર મોદી શનિવારે સિકંદરાબાદ પહોંચ્યા હતા. આ દરમિયાન પીએમ મોદીની જનસભામાં એક યુવતી લાઇટ-સાઇન્ડ માટે બનાવવામાં આવેલા ટાવર ઉપર ચડી ગઈ હતી. પીએમ મોદીએ જ્યારે યુવતીને ટાવર ઉપર ચડતી જોઈ તો તેને નીચે ઉતરવાની અપીલ કરી હતી. 

પીએમ મોદીએ યુવતીને કહ્યું- દીકરી હું તારી વાત સાંભળીશ, નીચે ઉતરી જા. યુવતી પીએમ મોદી સાથે વાત કરવા ઈચ્છતી હતી. આ પહેલા તેમણે જનસભાને સંબોધિત કરતા કહ્યું કે અમારી સરકારની પ્રાથમિકતા ગરીબોનું કલ્યાણ કરવાની છે. 

તેલંગણાના લોકોને નિરાશ કર્યાં
બીઆરએસ સરકાર પર નિશાન સાધતા પીએમ મોદીએ કહ્યું કે 10 વર્ષ પહેલા અહીં બનેલી સરકાર તેલંગણાના ગૌરવ અને સન્માનની રક્ષા કરી શકી નથી. દુનિયા તેલંગણાના લોકોની ક્ષમતાઓની પ્રશંસા કરે છે. પરંતુ તેલંગણા સરકારે લોકોને નિરાશ કર્યાં છે.