શ્રીરામ જન્મભૂમિ તીર્થ ટ્રસ્ટે `ટાઈમ કેપ્સ્યૂલ`ના વિવાદનો છેદ ઉડાવ્યો, અહેવાલો ફગાવ્યા

અયોધ્યા: શ્રીરામ જન્મભૂમિ તીર્થ ટ્રસ્ટે ટાઈમ કેપ્સ્યૂલના અહેવાલોને ફગાવ્યાં છે. ટ્રસ્ટના મહામંત્રી ચંપત રાયે ટાઈમ કેપ્સ્યૂલના અહેવાલોને ઉપજાવી કાઢેલા ગણાવ્યાં. તેમણે કહ્યું કે જે અહેવાલ ટ્રસ્ટના માધ્યમથી આવે તેના ઉપર જ વિશ્વાસ કરો અને કાલ્પનિક વાતો પર નહીં. ZEE NEWS એ પહેલા જ ટાઈમ કેપ્સ્યૂલના ખબરને ખોટા ગણાવ્યાં હતાં. 

અત્રે જણાવવાનું કે રામંદિરના ભૂમિપૂજનની તારીખ જેમ જેમ નજીક આવી રહી છે તેમ તેમ હલચલ વધી રહી છે. દેશભરમાં મંદિર નિર્માણમાં સહયોગ આપવા માટે ગતિવિધિઓમાં તેજી આવી છે. ભૂમિ પૂજન માટે પવિત્ર નદીઓના જળ અને તીર્થ સ્થળોની પવિત્ર માટીને લાવવાનો સિલસિલો શરૂ થઈ ગયો છે. 5 ઓગસ્ટના રોજ પ્રધાનમંત્રી નરેન્દ્ર મોદી અયોધ્યામાં ભૂમિ પૂજન કરીને મંદિર નિર્માણ માટે શિલાન્યાસ કરશે. 

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube

-