દેશમાં કોરોનાના ડરામણા આંકડા, છેલ્લા 24 કલાકમાં 48 હજારથી વધુ કેસ, જો કે રિકવરી રેટ આપે છે રાહત

નવી દિલ્હી: દેશમાં હવે તો કોરોનાના આંકડા ડરામણા લાગી રહ્યાં છે. કેન્દ્રીય સ્વાસ્થ્ય મંત્રાલયે બહાર પાડેલા આંકડા મુજબ છેલ્લા 24 કલાકમાં કોરોના વાયરસના 48,661 નવા દર્દીઓ નોંધાયા છે. જ્યારે એક જ દિવસમાં 705 લોકોના મૃત્યુ થયા છે. આ સાથે દેશમાં કોરોના વાયરસના કુલ કેસનો આંકડો 13,85,522 પર પહોંચ્યો છે. જેમાંથી 4,67,882 એક્ટિવ કેસ છે. જ્યારે 8,85,577 લોકો ડિસ્ચાર્જ થયા છે. અત્યાર સુધી દેશમાં 32,063 લોકોના મૃત્યુ થયા છે.