Corona Update: છેલ્લા 24 કલાકમાં કોરોનાના 64 હજારથી વધુ નવા દર્દીઓ, મૃત્યુઆંક 48 હજારને પાર

નવી દિલ્હી: દેશમાં કોરોના (Corona Virus) ના કેસ કૂદકેને ભૂસકે વધી રહ્યાં છે. કેન્દ્રીય આરોગ્ય મંત્રાલયે જાહેર કરેલા આંકડા મુજબ છેલ્લા 24 કલાકમાં દેશમાં કોરોના વાયરસના નવા 64,553 દર્દીઓ નોંધાયા છે. આ સાથે જ કોરોનાના કુલ કેસનો આંકડો 24,61,191 પર પહોંચ્યો છે. જેમાંથી 6,61,595 લોકો સારવાર હેઠળ છે. જ્યારે 17,51,556 લોકો સાજા થયા છે. 

કોરોના વાયરસથી દેશમાં એક જ દિવસમાં 1007 લોકોના મૃત્યુ થયા છે. આ સાથે જ કોવિડ-19થી અત્યાર સુધી દેશમાં 48,040 લોકોના જીવ ગયા છે. ઈન્ડિયા કાઉન્સિલ ઓફ મેડિકલ રિસર્ચ (ICMR)ના જણાવ્યાં મુજબ દેશમાં અત્યાર સુધીમાં કુલ 2,76,94,416 લોકોના નમૂનાના પરિક્ષણ થયા છે. જ્યારે ગુરુવારે એક જ દિવસમાં 8,48,728 નમૂનાનું પરિક્ષણ થયું હતું જેમાંથી 64 હજાર જેટલા ટેસ્ટ પોઝિટિવ આવ્યાં.