રેલ રાજ્ય મંત્રી સુરેશ અંગાડીનું કોરોનાથી નિધન, AIIMS માં ચાલી રહી હતી સારવાર

નવી દિલ્હી: મોદી સરકારમાં રેલ રાજ્ય મંત્રી સુરેશ અંગાડીનું કોરોનાના લીધે નિધન થઇ ગયું છે. તેમનું AIIMS માં સારવાર ચાલી રહી હતી. લગભગ રાત્રે 8 વાગે તેમનું નિધન થયું. તે કર્ણાટક સાથે સંબંધ ધરાવે છે. તે બેલ્ગાવી સીટ પરથી લોકસભા સભ્ય હતા. તેમણે 11 સપ્ટેમ્બરના રોજ કોરોના પોઝિટિવ હોવાની સૂચના ટ્વિટર પર શેર કરી હતી. 

પીએમ નરેંદ્ર મોદીએ તેમના નિધન પર દુખ વ્યક્ત કરતાં ટ્વીટ કર્યું- 'સુરેશ અંગાડી અદભૂત કાર્યકર્તા હતા. કર્ણાટકમાં પાર્ટીને મજબૂત બનાવવા માટે તેમણે અથાગ મહેનત કરી. તે સમર્પિત સાંસદ અને પ્રભાવી મંત્રી હતા. તેમના નિધનના સમાચાર દુખદ છે. આ દુખની ઘડીમાં મારી ભાવનાઓ તેમના પરિવાર અને મિત્રો સાથે છે. ઓમ શાંતિ'